Welcome!

By registering with us, you'll be able to discuss, share and private message with other members of our community.

SignUp Now!

shaaeralhob

طاقم الإدارة
الإدارة
مشرف
عضو موثق
إنضم
28 فبراير 2023
المشاركات
23,945

قصة مريم​



السلام عليكم حبابي/حبيباتي معجبي صفحة نزار نتمنى أنكم تكونو على أحسن مايرام المهم قراو قصتي و تبعوها مزيان حتى اللخر حيث مليئة بعنصر التشويق و المفاجآت المهم نعرفكم على راسي مريم سميتي ماعندكم ماديرو بكنيتي ههه عندي 22 عام بنت قرطاسة و بيضا ﺷﻌﺮﻱ ﻃﻮيييل بزاف ﻣﺎﺷﺎء **** ﺑﻼﻣﺎ نكمل ليكم الوصف حيث كلشي فيا زوين تخايلوني كيف ما حبيتو و أنا ﺍﻟﺒﻨﺖ ﺍﻟﻮﺳﻄﻰ ﻓﻲ ﺍﻟﻌﺎﺋﻠﺔ ﻟﻲ ﻛﺘﻜﻮﻥ ﻣﻦ ﺍﻡ ﻭﺍﺏ ﻭ 4 ﺍﺑﻨﺎﺀ جوج ﺑﻨﺎﺕ وجوج ﻭﻻﺩ ﻋﺸﺖ ﻃﻔﻮﻟﺔ ﺯﻭﻳﻴﻴﻨﺔ ﺑﺰﺍﺍﻑ ﺑﺤﻜﻢ ﺍﻧﻮ ﺑﺎﺑﺎ ﻛﺎﻥ ﻣﻴﺴﻮﺭ ﻟﺤﺎﻝ ﻓﺎﻟﺤﻤﺪ ﻟﻠﻪ ﻟﻲ ﻛﻨﺖ كانطلبها منو ﻛﺘﺠﻴﻨﻲ ﻣﺎﻛﻨﺖ ﻣﺨﺼﻮﺻﺔ ﻣﻦ ﻭﺍﻟﻮ ﻛﻨﺖ ﺍﻧﺎ ﻫﻲ ﺣﺒﻴﺒﺔ ﺑﺎﺑﺎ ﻛﺎﻥ ﻛﻴﻔﻀﻠﻨﻲ ﻋﻠﻰ ﺧﻮﺗﻲ ﻭﻣﻜﺎﻧﻮﻭﺵ ﻛﻴﺤﻤﻠﻮﻧﻲ ﻋﻠﻰ ﻭﺩ ﻫﺪﺷﻲ ﻫﻬﻬﻪ ﻭﻟﻜﻦ ﻭﺧﺎ ﻫﻜﺎﻙ ﻣﺎﻛﻴﺪﻭﺯﻭﻧﻴﺶ ﻛﻨﺒﻐﻴﻮ ﺑﻌﻀﻴﺎﺗﻨﺎ ﺑﺰﺍﺍﻑ ﻛﻨﺖ ﻣﻦ ﺻﻐﺮﻱ ﻣﺤﺒﻮﺑﺔ ﺍﻟﺠﻤﻴﻊ ﻛﻠﺸﻲ ﻛﻴﺒﻐﻴﻨﻲ ﺃﻛﺜﺮ ﺷﻲ ﺍﺻﺤﺎﺏ ﺧﻮﻳﺎ ﻟﻜﺒﻴﺮ ﻛﺎﻧﻮ ﻛﻴﺤﻤﺎﻗﻮ ﻋﻠﻴﺎ ﻭﺍﺣﺪ ﺻﺎﺣﺐ ﺧﻮﻳﺎ ﻛﻴﺒﻘﺎ ﻳﻘﻮﻟﻴﺎ ﻧﺘﻲ ﻫﻲ ﺍﻟﺒﻮﻗﻮﻭﺻﻪ ﺩﻳﺎﻝ ﺍﻟﺪﺭﺏ ﻫﻬﻬﻪ ﻣﻊ ﻛﻨﺖ ﺻﻐﻴﺮﺓ ﻛﺎﻥ ﻛﻴﻌﺠﺒﻨﻲ ﻟﺤﺎﻝ ﻛﻨﺒﻘﺎ ﻧﻀﺮﺏ ﻓﺸﻌﺮﻱ ﻟﺤﺮﻳﺮ ﻣﻦ ﺟﻨﺐ ﻭﻧﺒﻴﻦ ﻟﻐﺮﻭﺭ ﻛﻴﺒﻘﺎ ﻳﻀﺤﺎﺍﺍﻙ ﻫﻬﻬﻪ ﻛﻨﺖ ﺣﻤﻘﻪ ﺩﺍﺯ ﻋﻨﺪﻱ ﺍﻻﺑﺘﺪﺍﺋﻲ ﻛﺎﻣﻞ ﻏﻴﺮ ﻗﺮﺍﻳﺔ ﻭﻟﻌﺐ ﻭﺳﻔﺮ ﻣﻊ ﺍﻟﻌﺎﺋﻠﺔ ﻷﻣﺎﻛﻦ ﻣﺨﺘﻠﻔﻪ ﻭﻛﻞ ﺻﻴﻒ ﻓﺎﺵ ﻛﻨﺠﺢ ﻛﻴﺸﺮﻱ ﻟﻴﺎ ﺑﺎﺑﺎ ﻛﺎﻧﻴﺶ صغير ﻛﻴﺪﻭﺯ ﻣﻌﺎﻳﺎ ﺍﻟﺼﻴﻒ ﺑﺤﻜﻢ ﺍﻧﻨﻲ ﻛﻨﺖ ﻛﻨﺤﻤﺎﺍﺍﺍﺍﻕ ﻋﻠﻰ ﺍﻟﺤﻴﻮﺍﻧﺎﺕ ﻟﻜﻦ فاش كاﻧﺸﻮﻑ ﺍﻟﺤﺸﺮﺍﺕ كاﻧﺒﺪﺍ نغوت و ﻧﻘﺰ ﻃﻠﻌﺖ ﻟﻺﻋﺪﺍﺩﻱ ﻛﺪﻟﻚ ﺩﻭﺯﺗﻬﺎ ﻟﺒﺲ ﻣﺨﺘﻠﻂ ﻣﻊ ﺑﺮﺍءة طفولة ﻛﻨﺖ ﻣﺤﺒﻮﺑﺔ عند ﺍﻟﺠﻤﻴﻊ ﺍﻟﺤﻤﺪ ﻟﻠﻪ ﺭﺑﻲ ﻛﺎﻥ ﺩﺍﻳﺮ ﻟﻴﺎ ﻭﺍﺣﺪ ﺍﻟﻘﺒﻮﻝ ﺷﻜﻼ ﻭﻣﻀﻤﻮﻧﺎ ﻟﺪﺭجة ﺍﻧﻮ ﻟﺒﻨﺎﺕ ﻟﻲ ﻛﺒﺮ ﻣﻨﻲ ﻛﺎﻧﻮ ﻛﻴﺠﻴﻮ ﻋﻨﺪﻱ ﻭﻳﻘﻮﻟﻮ ﻟﻴﺎ ﻭﺍﻭ نتي ﻏﺰﺍﻟﺔ ﻛﺘﻌﺠﺒﻴﻨﺎ ﻭﻭﺍﺣﺪ ﻧﻬﺎﺭ ﻗﺎﻟﺖ ﻟﻴﺎ ﻭﺍﺣﺪ ﻟﺒﻨﺖ : ﻛﺘﺤﻤﻘﻲ ﻣﻲ ﺧﺎﺻﻚ ﻏﻴﺮ ﺗﻐﻼﺿﻲ ﺷﻮﻳﺔ ﻭﻃﻴﺤﻲ ﺳﻮﻕ ﻋﻠﻰ ﺑﻨﺎﺕ ﺍﻟﺜﺎﻧﻮﻱ ﻫﻬﻪ ﻳﺨﺨﺦ ( ﻛﻨﺖ ﺿﻌﻴﻔﻪ ﻭﻛﺎﻧﺖ ﻫﺎﺩﻱ ﻋﻘﺪﺗﻲ ﻛﻨﺖ ﺑﺎﻏﺎ ﻧﻐﻼﺽ ﺏ ﺍﻱ ﻃﺮﻳﻘﻪ ﻣﺎﻛﺎﻧﺘﺶ ﻋﺎﺋﻖ ﺑﻨﺴﺒﺔ ﻟﺠﻤﺎﻟﻲ ﻟﻜﻦ ﺍﻧﺎ ﻣﺎﻛﻨﺘﺶ ﺣﺎملة ﺩﺍﻙ ﺍﻟﻀﻌﻒ) ﺍﻛﻴﺪ ﻛﺎﻧﻮ ﺷﺒﺎﺏ ﺑﺎﻏﻴﻦ ﻣﻨﻲ ﻓﺮصة ﻧﻜﻮﻥ ﻣﻌﺎﻫﻢ ﻋﻼﻗﺎﺕ ﻟﻜﻦ ﻛﻨﺖ ﻛﻨﺮﻓﺾ ﻭﺑﺸﺪة ﻧﺎﺭﻱ ﻛﻨﺖ ﻛﻨﻜﺮﻩ ﻫﺎﺩ ﺷﻲ ﻫﻬﻬﻪ ﺍﻟﻤﻬﻢ ﺣﺘﺎﻝ ﻫﻨﺎ ﻛﺎﻧﺖ ﺣﻴﺎﺗﻲ ﻋﺎﺩﻳﺔ ﻭﺯﻭﻳﻴﻴﻨﺔ مي من بعد غاتقلب حياتي رأسا على عقب...
ﺍﻟﻤﻬﻢ ﺣﺘﺎﻝ ﻫﻨﺎ ﻛﺎﻧﺖ ﺣﻴﺎﺗﻲ ﻋﺎﺩﻳﺔ ﻭﺯﻭﻳﻴﻴﻨﺔ ﻣﻲ ﻣﻦ ﺑﻌﺪ ﻏﺎﺗﻘﻠﺐ ﺣﻴﺎﺗﻲ ﺭﺃﺳﺎ ﻋﻠﻰ ﻋﻘﺐ و حتى من ﺑﺎﺑﺎ ﻣﺒﻘﺎﺗﺶ ﺍﻟﺨﺪﻣﺔ ﺩﻳﺎﻟﻮ ﻣﺰﺩﻫﺮﺓ ﻛﻴﻒ ﻛﺎﻧﺖ ﻭﻻﻭ ﻋﻠﻴﻪ ﺩﻳﻮﻥ ﻭﻛﺎﻥ ﺧﺎﺻﻮ ﻳﺒﻴﻊ ﺍﻟﺪﺍﺭ ﺑﺎﺵ ﻳﻘﺪﺭ ﻳﺨﻠﺺ ﺍﻟﻘﻠﻴﻞ ﻣﻦ ﺍﻟﺪﻳﻮﻥ ﺑﻀﺒﻂ ﻓﻲ الصيف لي نجحت ﻓﻴﻪ ﻓﺎﻟﺴﻨﺔ ﺍﻟﺜﺎﻧﻴﺔ ﺍﻋﺪﺍﺩﻱ ﺑﻌﻨﺎﻫﺎ ﻭﻳﺎﺭيت ﻣﺎﺑﻌﻨﺎﻫﺎ ﺍﻭﻭﻑ ﺗﺤﻮﻟﻨﺎ ﻟﺤﻲ ﺷﻌﺒﻲ ﺏ ﺍﻣﺘﻴﺎﺍﺍﺍﺍﺯ ﻛﻨﺎ ﻣﻌﺸﻴﻴﻦ ﺣﻨﺎ ﻭﺍﻟﻌﺎﺋﻠﺔ ﺍﻟﻜﺒﻴﺮﺓ ﻋﻨﺪ ﻋﻤﺘﻲ واحد ﺍﻟﻌﻘﺮﻭﺷﺔ ﻣﺸﻴﺖ ﻣﻊ ﺧﺘﻲ ﻭﻭﻟﺪ ﻋﻤﻲ ﻳﻮﺭﻳﻮﻧﻲ ﺩﺍﺭﻧﺎ ﺍﻟﺠﺪﻳﺪﺓ ﺑﺤﻜﻢ ﺍﻧﻬﺎ ﺟﺎﺕ ﺣﺪﺍﺍ ﺩﺍﺭ ﻋﻤﺘﻲ ﺍﻟﻌﻘﺮﻭﺷﺔ ﻟﻲ ﻋﻤﺮﺍﺕ ﻟﺒﺎﺑﺎ ﺭﺍﺳﻮ ﺑﺎﺵ ﻳﺸﺮﻱ ﺣﺪﺍﻫﺎ ﻭوحلاﺕ ﻭﺍﺣﺪ ﻋﻤﻲ ﺳﻜﻦ ﺣﺪﺍﻫﺎ ﻭﻭﺣﻼﺗﻨﺎ ﺣﺘﺎ ﺣﻨﺎ ﻳﺎﺭﺑﻲ ﺍﻟﺴﻼﻣﺔ ﻏﺎﺩﺍ ﻟﺪﺭﺏ ﻟﻲ ﻓﻴﻪ ﺍﻟﺪﺍﺭ ﻭﻗﻠﺒﻲ ﻣﻘﺒﻮﻭﻭﻁ ﻋﺎﺭفة ﻭﺣﺎﺳﺔ ﺏ ﺍﻳﺎﻣﻲ ﺍﻟﻘﺎﺩﻣﺔ ﻏﺘﻜﻮﻥ ﻣﻜﻔﺴﺔ ﻭﺻﻠﻨﺎ ﻟﺪﺍﺭ ﺷﻔﺘﻬﺎ ﻣﻦ ﺑﺮﺍ ﺧﺎﻃﺮﻱ ﻫﺮﺏ منها ﻫﻲ ﻣﺎﺷﻲ ﺧﺎﻳﺒﺔ ﺣﻴﺖ ﻭﺧﺎ ﻛﺎﻧﺖ ﺯﻭﻳﻨﺔ ﺑﺎﺑﺎ ﻋﺎﻭﺩﻫﺎ ﻭﺻﺮﻋﻬﺎ ﻟﻜﻦ ﺍﻟﺨﺎﻃﺮ ﻫﺮﺏ ﻣﻨﻬﺎ ﺑﺤﺎﻻ ﺣﺴﻴﺖ ﺑﺎﻟﻤﺴﺘﻘﺒﻞ ﻓﻴﻬﺎ ﻣﻐﻴﻜﻮﻧﺶ ﺯﻭﻳﻦ ﻣﻐﺘﻜﻮﻧﺶ ﻓﺄﻝ ﺧﻴﺮ ﻋﻠﻴﻨﺎ ﺗﺤﻮﻟﻨﺎ ﻭﺩﺍﺯﺕ ﺍﻻﻳﺎﻡ ﺗﻌﺮﻓﺖ ﻋﻠﻰ واحد الصديقة ﻟﻲ ﻛﺎﻧﺖ ﻋﻨﺪﻧﺎ أناوياها ﺍﻓﻜﺎﺭ ﻣﺘﺸﺎﺑﻬﺔ ﻭﻛﺎﻧﺖ ﺭﺍﻗﻴﻪ ﻭﺧﺎ ﻛﺎﻧﺖ ﺑﻨﺖ ﺣﻲ ﺷﻌﺒﻲ ﻋﻨﺪﻫﺎ ﺑﺮﻳﺴﺘﻴﺞ ﻭﺗﺼﺎﺣﺒﺖ ﻣﻌﺎﻫﺎ ﻭﻣﻊ ﺧﻮﺍﺗﺎﺗﻬﺎ ﻟﻲ ﻛﺎﻧﻮ ﻛﻴﻘﺮﺑﻮ ليا ﻓﺎﻟﺴﻦ ﺍﻟﺤﻤﺪ ﻟﻠﻪ ﻓﻮﺟﻮ ﻋﻠﻴﺎ ﺩﻭﺯﺕ ﺍﻟﺴﻨﺔ ﺛﺎﻟﺜﺔ ﺍﻋﺪﺍﺩﻱ ﻧﺠﺤﺖ ﺏ ﺍﻣﺘﻴﺎﺯ ﻣﺒﻐﻴﺘﺶ ﻧﻘﺮﺍ ﻓﺎﻟﺜﺎﻧﻮﻳﺔ ﻟﻲ ﺣﺪﺍ ﺩﻳﻚ ﺍﻻﻋﺪﺍﺩﻱ ﺣﻴﺖ ﻣﺠﻤﻮﻉ ﻓﻴﻬﺎ ﻏﻴﺮ ﺍﻟﻤﺠﺮﻣﻴﻦ ﻛﻴﺨﻠﻌﻮ ﻗﺮﺭﺕ ﻧﻘﺮﺍ ﻓﺜﺎﻧﻮﻳﺔ ﻣﻊ ﺻﺎﺣﺒﺘﻲ ﻛﻴﻘﺮﺍﻭ ﻓﻴﻬﺎ ﻧﺎﺱ ﻧﻘﺎﻳﺎ يا ﺳﻼﺍﺍﻡ ﻋﻠﻰ ﺍﻳﺎﻡ ﺍﻟﺜﺎﻧﻮﻱ ﺣﺴﻴﺖ ﺑﺎﻟﺮﺍﺣﺔ ﻭﺍﻧﺎ ﻛﻨﺴﺘﺮﺟﻊ ﺍﻟﺬﻛﺮﻳﺎﺕ... ﺍﻳﺎﻡ ﺍﻟﺜﺎﻧﻮﻱ ﺩﺍﺯﺕ ﺭﻭﻭﻭعة ﻣﺘﺎﻓﻘﻴﻦ ﻣﻌﺎﻳﺎ ﻭﻻ ﻻ ؟؟
ﻓﺎﺵ ﻳﻼﻩ ﻃﻠﻌﺖ ﻻﻭﻟﻰ ثانوﻱ ﻛﺎﻥ ﻋﻨﺪﻱ ﺍﺳﺘﺎﻳﻞ ﺧﺎﺹ ﺑﻴﺎ ﻛﻨﺖ ﻛﻨﻤﻮﻭﺕ ﻋﻠﻰ ﻟﻮﻥ ﺍﻟﻮﺭﺩي ﻛﺎﻧﻮ ﻣﺴﻤﻴﻨﻲ ﺑﺎﺭﺑﻲ ﻫﻬﻬﻪ ﻛﺎﻥ ﻛﻴﻘﺮﻯ ﻣﻌﺎﻳﺎ ﻭﺍﺣﺪ ﺍﻟﻮﻟﺪ ﺳﻤﻴﺘﻮ ﺳﻴﻤﻮ ﻛﺎﻥ ﺯﻭﻳﻦ ﺑﺰﺍﺍﺍﻑ ﻭﻧﻘﻲ ﻭﻃﻮﻳﻴﻴﻴﻴﻴﻴﻞ ﻭﻓﻮﺭﻣﺘﻮ ﻏﺰﺍﻟﺔ ﻛﺎﻥ ﻛﻴﻤﻮﻭﻭﺕ ﻋﻠﻴﺎ ﻭﺩﻳﻤﺎ ﻳﻘﻮﻟﻴﺎ ﻛﺘﻌﺠﺒﻴﻨﻲ ﺩﻳﻤﺎ ﻟﻜﻦ ﻛﻨﺖ ﻛﻨﺮﻓﺾ ﺣﻴﺖ ﻣﻤﺪﺧﻼﺵ ﻟﺮﺍﺳﻲ ﻓﻜﺮﺓ ﺗﺼﺎﺣﻴﺐ ﻟﺤﺪ ﺍﻻﻥ ﻛﺎﻥ ﻣﺴﻜﻴﻦ ﺩﻳﻤﺎ ﻣﺨﺎﺻﻢ ﻣﻌﺎﻳﺎ ﺣﻴﺖ ﻛﻨﺮﻓﻀﻮ ﻟﻌﺎﻡ ﻛﺎﻣﻞ ﻭﻫﻮ ﻳﻄﻠﺐ ﻟﻜﻦ ﻛﻨﺮﻓﺾ ﻫﺪﺍ ﺍﻭﻝ ﺷﺨﺺ ﺿﻠﻤﺘﻮ ﻣﻌﺎﻳﺎ و ﺩﺍﺯ ﺩﺍﻙ ﻟﻌﺎﻡ ﻃﻠﻌﺖ ﻟﻠﺴﻨﺔ ﺍﻟﺜﺎﻧﻴﺔ ﺛﺎﻧﻮﻱ ﻫﻮ ﻣﻨﺠﺤﺶ ﻭ ﺗﺒﻼ ﻭﻭﻻ ﻛﻴﺠﻴﻨﻲ ﻟﻠﻤﺪﺭﺳﺔ ﺳﻜﺮﺍﻥ ﻛﻴﺨﻠﻌﻨﻲ ﻭﺍﺣﺪ ﻧﻬﺎﺭ ﺟﺎﻧﻲ ﺳﻜﺮﺍﺍﻥ ﻣﻌﺎﻗﻠﺶ ﺩﺍﺭ ﻟﻴﺎ ﺍﻟﺤﻴﺤﺔ ﻗﺪﺍﻡ ﺑﺎﺏ ﺍﻟﻤﺪﺭﺳﺔ ﻭﻟﻲ ﺟﺎ ﺣﺪﺍﻩ ﻳﻀﺮﺑﻮ ﺍﻧﺎ ﻭﻟﻴﺖ ﻛﺎﻣﻠﺔ كاﻧﺘﺮﻋﺪ ﺧﻔﺖ ﻋﻠﻰ ﺭﺍﺳﻲ ﺗﺨﺸﻴﺖ ﻭﺭﺍ ﻟﺒﻨﺎﺕ ﻭﻣﺨﻼﻧﻴﺶ ﻧﺪﻭﺯ ﻛﻴﻴﻴﻴﻴﻐﻮﺕ ﻋﻠﻰ ﺣﺮ ﺟﻬﺪﻭ ﻭﻳﻘﻮﻝ : ﻋﻼﺍااﺵ ﻣﺒﻐﻴﺘﻴﻨﻴﺶ ﻋﻼﺵ ﺷﻜﻮﻥ ﻧﺘﻲ ﺑﺎﺵ ﺗﻜﻮﻥ ﻓﻚ ﻫﺎﺩ ﻟﻌﻴﺎﻗﻪ ﻛﺎﻣﻠﺔ ﺧﺮﺟﺘﻲ ﻟﻴﺎ ﻋﻠﻰ ﺣﻴﺎﺗﻲ ﺗﺒﻠﻴﺖ ﻏﻴﺮ ﺑﺎﺵ ﻧﻨﺴﺎﻙ ﻭﻣﻘﺪﺭﺗﺶ ﻧﻨﺴﺎﻙ ﻭﻛﻴﻐﻮﺕ و يعربد....
ﻭﻛﻴﻐﻮﺕ ﻭ يعربد ﻭﻳﻴﻴﻴﻠﻲ ﺍﻟﺪﺭﻱ ﻛﺎﻥ ﺷﻬﻮﺓ ﻣﻨﻮ ﻛﺎﻥ ﻛﻴﺤﻤﻖ ﺑﺰﻳﻦ ﻳﺎﺭﺑﻲ ﻛﻴﻒ ﻭﻻ ﺩﺑﺎ ﻟﻲ ﺷﺎﻓﻮ ﻳﻘﻮﻝ ﻫﺪﺍ ﻭﻟﺪ ﺍﻟﺰﻧﻘﻪ ﻫﺪﺍﻙ ﻧﻬﺎﺭ ﺩﻭﺯﻭﻧﻲ ﻏﻴﺮ ﺻﺤﺎﺑﻮ ﻣﻦ ﺣﺪﺍﻩ ﺑﺎﺵ ﻣﻴﻘﻴﺴﻨﻴﺶ ﻭﺩﺍﻭﻧﻲ ﺻﺤﺎﺑﺎﺗﻲ ﺣﺘﺎﻝ ﺩﺍﺭ ﻭﺍﻧﺎ ﻣﺤﻄﻤﺔ ﺩﺧﻠﺖ ﻟﻠﺪﺍﺭ ﻣﺴﺤﺖ ﺩﻣﻮﻋﻲ ﻋﺎﻭﺩﺕ لماما داكشي ﺣﻴﺖ هي لي ﻗﺭﻳﺒﺔ ﻣﻨﻲ ﺑﺰﺍﻑ ﻗﺎﻟﺖ ﻟﻴﺎ ﻭﺍﺵ ﻧﻮﻟﻲ ﻧﺴﻴﻔﻂ ﻣﻌﺎﻙ ﺧﻮﻙ ﻗﻠﺖ ﻟﻴﻬﺎ ﻣﻴﻘﺪﺭﺵ ﻳﺂﺩﻳﻨﻲ غاﺧﻠﻴﻪ ﺩﺑﺎ ﻳﻨﺴﺎﻧﻲ ﻭﻻ ﺩﻳﻴﻴﻤﺎ ﻣﺮﺓ ﻓﺴﻴﻤﺎﻧﺔ ﻭﻻ ﺯﻭﺝ ﻳﺠﻲ ﻳﺪﻳﺮ ﻟﻴﺎ ﺍﻟﺸﻮﻫﺔ ﻭﻳﻤﺸﻲ ﻭﺍﺣﺪ ﺍﻟﻤﺮﺓ ﺷﺪﻧﻲ ﻣﻦ ﺍﻳﺪﻱ ﺩﺍﻧﻲ ﻭﺟﺎﺑﻨﻲ ﺗﺎﻛﺎﻥ ﺩﺭﺍﻋﻲ ﻏﻴﻄﺮﻃﻖ ﻓﻜﻮﻧﻲ منو ﻏﻴﺮ ﺩﺭﺍﺭﻱ ﺩﺍﺯ ﻋﻨﺪﻱ ﺩﺍﻙ ﻟﻌﺎﻡ ﺧﺎﺍﺍﺍﺍﻳﺐ ﺑﺰﺍﺍﺍﺍﺍﻑ ﻛﺮﻫﺖ ﺍﻟﻤﺸﻴﺎﻥ ﻟﻠﻤﺪﺭﺳﺔ ﻭﻭﻟﻴﺖ نتلاقى ﻣﻌﺎ ﻟﺒﻨﺎﺕ ﻟﻲ ﻛﺎﻧﻮ ﻛﻴﻘﺮﺍﻭ ﻣﻌﺎﻧﺎ ﺍﻧﺎ ﻭﻳﺎﻩ ﻛﻴﺒﻘﺎﻭ ﻳﻠﻮﺣﻮ ﻟﻴﺎ ﻟﻬﻀﺮﺓ ﻧﺘﻲ ﺳﺒﺎﺑﻮ ﺩﺭﻱ ﻛﺎﻥ ﺯﻭﻳﻦ ﻭﻭﻟﺪ ﺩﺍﺭﻫﻢ ﻭﻻ ﺩﺍﻳﻊ ﻓﺰﻧﺎﻗﻲ ﻭﻻﺕ ﺿﺎﻳﺮﺓ ﻋﻠﻴﺎ ﻫﻀﺮﺓ ﻓﻠﻴﺴﻲ ﺑﻠﻲ ﺍﻧﺎ ﺳﺒﺎﺑﻮ ﺩﺍﺯ ﺩﺍﻙ ﻟﻌﺎﻡ ﻭﺍﻧﺎ ﻛﻨﺴﻮﻝ ﻋﻠﻴﻪ ﺻﺤﺎﺑﻮ ﻛﻴﻘﻮﻟﻮ ﻟﻴﺎ ﻭﻻ ﻳﺪﻳﺮ ﺟﻤﻴﻊ ﺍنواع اﻟﻤﺨﺪﺭﺍﺕ ﻭﻭﻻ كايگريسي ﺑﻨﺎﺩﻡ ﻛﻨﺘﻘﻄﻊ ﻭﻟﻜﻦ ﺍﺷﻨﻮ ﺏ ﺍﻳﺪﻱ ﻧﺪﻳﺮ ﻣﺎﻋﻄﻴﺘﻮ ﺣﺘﺎ ﺍﻣﻞ ﻭﺍﺧﻴﻴﺮﺍ ﺟﺎ ﺍﻟﺼﻴﻒ ﻟﻲ ﻏﻴﻨﻘﺪﻧﻲ ﻣﻦ ﻫﺎﺩ ﺍﻟﺠﺤﻴﻢ ﻭﻧﺸﺪ ﻟﻌﻄﻠﺔ ﻭﺟﺎﺍﺍ ﻋﺮﺱ خويا مهدي ﺣﻀﺮﺕ ﻟﻠﻌﺮﺱ ﺑﺄﺑﻬﻰ ﺣﻠﺔ ﻃﻮﻭﻭﻭﭖ ﺷﺤﺎﻝ ﺩﻳﺎﻝ ﻟﺨﻄﺎﺏ ﺟﺎﻭ ﻓﻴﺎ .. ﺗﻌﺮﻓﺖ ﺗﻤﺎ ﻋﻠﻰ ﻭﺍﺣﺪ ﺍﻟﺸﺎﺏ ﺟﺪﺍﺍﺍﺍﺍﺍﺍﺍﺍﺍﺏ ﺑﺰﺍﻑ ﺑﺰﺍﺍﻑ كان سميتو محسن ﻗﻠﺐ ﻋﻠﻰ الكونط ديالي ﻣﻦ ﺧﻼﻝ ﺍﺳﻤﻲ ﻭﻧﺴﺒﻲ ﺩﺧﻞ ﻋﻨﺪﻱ ﻓﺮﺭﺭﺭﺣﺖ ﺑﺰﺍﻑ ﻓﺎﺵ ﺷﻔﺘﻮ ﺭﺍﺳﻞ ﻟﻴﺎ ﻃﻠﺐ صداقة ﻗﺒﻠﺘﻮ ﻓﻲ ﺍﻟﺒﻼﺻﻪ ﻫﺪﺭﻧﺎ ﻛﺎﻥ ﻛﻴﺴﻜﻦ ﻓﻲ ﺍﻟﺮﺑﺎﻁ ﻭﺍﻧﺎ ﻑ ﻛﺎﺯﺍ ﻛﺎﻥ ﻛﻴﺨﺪﻡ ﺩﻳﺠﻲ ﻣﺎﺷﻲ ﻓﻲ ﺍﻻﻋﺮﺍﺱ ﻫﻬﻪ مي في ﺍﻟﺪﻳﺴﻜﻮﻃﻴﻚ ﻟﻜﺒﺎﺍﺍﺭ كان ﻛﻴﺠﻮﻝ ﻟﻤﻐﺮﺏ ﻛﺎﻣﻞ
ﺑﻘﻴﻨﺎ ﻋﻠﻰ ﻫﺎﺩ ﺍﻟﺤﺎﻝ ﻛﻨﺘﻜﻠﻤﻮ ﻓﻲ الفايس و ﺍﻟﺘﻠﻔﻮﻥ ﺯدنا ﺗﻌﻠﻘﻨﺎ ﺑﺒﻌﻀﻨﺎ فاااش جااا ﻭﻗﺖ ﺍﻟﺪﺧﻮﻝ ﻟﻠﻤﺪﺭﺳﺔ ﺩﺍﺧﻠﺔ ﻟﻠﺒﺎﻙ ﻧﻌﺎم ﺍﺍﺱ ﻫﻬﻪ ﺩﺧﻠﺖ ﻛﻮﻧﺖ ﺻﺪيقاﺕ ﺟﺪﺍﺩات ﺑﺤﻴﺚ ﺍﻧﻮ ﻣﻌظﻡ ﻟﺒﻨﺎﺕ ﻟﻲ ﻛﺎﻧﻮ ﻛﻴﻘﺮﺍﻭ ﻣﻌﺎﻳﺎ ﻣﻜﺎﻧﻮﺵ ﺑﺎﻏﻴﻦ ﻳﺸﺪﻭ ﺍﻟﺒﺎﻙ ﺑﺤﺎﻟﻲ ﻛﻨﺎ ﻣﺪﻭﺯﻳﻨﻬﺎ ﻏﻴﺮ ﺩﻭﺭﺍﻥ ﻭﺿﺤﻚ ﻣﺎﻛﻨﺎﺵ ﻣﺴﻮﻗﻴﻦ ﻟﻠﻘﺮﺍﻳﺔ ﻭﻟﻴﻨﺎ ﺍﻧﺎ ﻭ محسن ﻛﻨﺒﻐﻴﻮ ﺑﻌﻀﻨﺎ ﺑﺰﺍﺍﺍﺍﻑ ﻛﺎﻥ ﺩﻳﻤﺎ ﻛﻴﺠﻲ ﻋﻨﺪﻱ ﻛﻨﺨﺮﺟﻮ ﻧﻀﺤﻜﻮ ﺷﻮﻳﺔ ﻭﻻ محسن ﻛﻴﺒﻐﻴﻨﻲ ﻟﻮﺍﺣﺪ ﺍﻟﺪﺭﺟﺔ ﻛﺒﻴﻴﻴﺮﺓ ﺑﺰﺍﻑ ﺍﻛﺜﺮ ﻣﺎ ﻛﻨﺒﻐﻴﻪ ﺍﻧﺎ ﻭﻫﺪﺍﻙ ﺍﻟﺤﺐ ﺗﺤﻮﻝ ﻟﻐﻴﺮﺓ ﻭﺷﻚ وﻻ ﺍﻟﺸﻚ ﻛﺴﻴﻄﺮ ﻋﻠﻰ ﻛﻼﻣﻮ ﻣﻌﺎﻧﺎ ﻛﻨﺎ ﻳﻮﻣﻴﺎ ﻣﺨﺎﺻﻤﻴﻦ ﻋﻠﻰ ﻗﺒﻞ ﻫﺪ ﺍﻟﺸﻜﻮﻙ ﻟﻲ ﻛﻴﺤﺲ ﺑﻴﻬﺎ ﻟﺪﺭجة ﺍﻧﻲ إلى ﺩﺧﻠﺖ ﻟﻠﺤﻤﺎﻡ ﻭﻣﺎﻋﻠﻤﺘﻮﺵ ﻳﺪﻳﺮ ﻟﻴﺎ ﺣﺎﺍﺍﻟﺔ ﻋﻼﺵ ﻣﺘﻘﻮﻟﻴﻬﺎﺵ ﻟﻴﺎﺍ ﻭﻭﺍﺣﺪ ﺍﻟﻤﺮﺓ قاليا ﻭﺻﻠﺘﻮ ﻟﺪﺭجة ﺍﻟﺠﻨﻮﻥ ﻭﻻ ﺑﺤﺎﻝ ﻟﺤﻤﻖ ﻗﺎﻟﻴﺎ ﻧﻌﺮﻓﻚ ﻛﺪﻳﺮﻱ ﺷﻲ ﺣﺎﺟﻪ ﻣﻦ ﻭﺭﺍﻳﺎ ﻧﻘﺘﻠﻚ ﻛﻴﺤﻠﻒ ﻭﻳﻌﺎﻭﺩ ﺧﻠﻌﻨﻲ ﺑﺰﺍﺍﺍﻑ ﻭﻟﻴﺖ ﻛﻨﺮﺩ ﺍﻟﺒﺎﻝ ﻟﺘﺼﺮﻓﺎﻧﻲ ﺍﻧﻌﺰﻟﺖ ﻣﻊ ﻧﻔﺴﻲ و حاجة أخرى خاص ديما يبقى...
ﻭ ﺣﺎﺟﺔ ﺃﺧﺮﻯ ﺧﺎﺹ ﺩﻳﻤﺎ يبقى التيلفون ﺍﻳﺪﻱ ﻭﺩﻳﻤﺎ ﺍﻟﺨﻂ ﻣﻄﻠﻮﻕ ﻣﻲ ﻻ ﺗﻘﻄﻊ ﻳﻌﺎﻭﺩ ﻳﻌﻴﻂ ﻧﻌﺎﺱ ﻣﺎﻛﻨﺘﺶ ﻛﻨﺸﻮﻓﻮ ﺩﺍﺯ ﺍﻟﻌﺎﻡ ﺍﻛﻴﺪ ﻣﻨﺠﺤﺘﺶ ﻣﺸﻴﺖ ﺩﺭﺕ ﺍﻟﺘﻜﻮﻳﻦ sécrétariat ﻭﺩﺧﻠﺖ ﻧﻘﺮﺍﻫﺎ ﻭﻟﻴﺖ ﻛﻨﻘﺮﺍ ﻭﺗﻌﺮﻓﺖ ﻋﻠﻰ ﺑﻨﺎﺕ ﻣﺎﺷﻲ ﺑﺤﺎﻟﻲ ﻣﺎﻓﻴﻬﻤﺶ ﺍﻟﺒﺮﺍﺀﺓ ﻭﻣﻜﻴﻌﺮﻓﻮﺵ ﺷﻲ ﺣﺎﺟﻪ ﺳﻤﻴﺘﻬﺎ ﺣﺸﻮﻣﺔ ﺍﻧﺎ ﺑﺤﻜﻢ ﺍﻧﻨﻲ ﺣﺎﺳﺔ ﺑﺮﺍﺳﻲ ﺷﻮﻳﺔ ﻋﺠﺒﻨﻲ ﻟﺤﺎﻝ ﻣﻌﺎﻫﻢ ﺣﻴﺖ ﻛﻴﺒﻘﺎﻭ ﻳﺸﻜﺮﻭﻧﻲ ﻭﻳﻘﻮﻟﻮ ﻟﻴﺎ ﺍﺵ ﺑﻐﻴﺘﻲ ﺑﻬﺪﺍﻙ ﻣﺤﺴﻦ ﺗﻔﺎﺭﻗﻲ ﻣﻌﺎﻩ ﻭﻋﻴﺸﻲ ﺣﻴﺎﺗﻚ ﺍﻟﻒ ﻭﺍﺣﺪ ﻛﻴﺘﻤﻨﻰ ﻳﻬﺪﺭ ﻣﻌﺎﻙ ﻭﺗﻐﺮﻳﻴﺖ ﻛﻨﺸﻮﻑ ﺭﺍﺳﻲ ﻛﻨﻜﻮﻥ ﻏﺎﺩﺍ ﺍﻭﻭ ﻃﻮﻣﻮﺑﻴﻼﺕ ﻛﻴﺪﻳﺮﻭ ﺻﻒ ﻳﺦ ﻳﺼﺤﺎﺑﻠﻲ ﺷﻲ ﺣﺎﺟﻪ ﺩﻳﻚ ﻟﻮﻗﺖ ﻟﻜﻦ ﺗﺎﻝ ﺩﺑﺎ ﻋﺎﺩ ﻋﺮﻓﺖ ﻧﻮﺍﻳﺎﻫﻢ ﺍﻟﻤﻬﻢ ﻣﺤﺴﻦ ﺑﻘﻴﺖ ﻣﺴﺘﺤﻤﻼﻩ ﺗﺎ ﻣﺎﺑﻘﻴﺘﺶ ﻗﺎﺩﺭﺓ ﺍﻭ ﺯﺍﺩ ﻓﻴﻪ ﺑﺰﺍﻑ ﻭﺍﺵ ﻣﻠﻲ ﻧﻄﻠﻊ ﻓﻄﻮﺑﻴﺲ ﻭﺍﻧﺎ ﻃﺎﻟﻘﻪ ﺍﻟﺨﻂ ﻭ ﺇﻟﻰ ﻫﺪﺭ ﺷﻲ ﺷﺨﺺ ﻭﺧﺎ ﻣﻴﻬﺪﺮﺵ ﻣﻌﺎﻳﺎ ﻳﺪﻳﺮ ﻫﻮ ﻣﻌﺎﻳﺎ ﺗﺤﻘﻴﻖ ﺷﻜﻮﻥ ﻫﺪﺍﻙ ﺣﻠﻔﻲ ﺗﺎ ﻣﻬﺪﺭﺵ ﻣﻌﺎﻙ ﺍﻭﻭﻭﻑ ﺻﺎﻓﻲ ﻣﻘﺪﺭﺗﺶ ﻭﺗﻔﺎﺭﻗﺖ ﻣﻌﺎﻩ ﺑﻌﺪ ﻋﺎﻡ ﻭﻧﺼﻒ ﺩﻳﺎﻝ ﺍﻟﺤﺐ ﻭﺍﻻﺣﻼﻡ ﻛﻴﺒﻜﻲ ﻭﻛﻴﻘﻮﻟﻴﺎ ﻟﺘﻔﺎﺭﻗﺘﻲ ﻣﻌﺎﻳﺎ ﻧﻤﻮﺕ .. ﻣﺎﻣﺎﻩ ﺗﻌﻴﻂ ﻭﺗﻄﻠﺒﻨﻲ ﻣﺮﺍﺕ ﺧﻮﻩ ﻛﺪﻟﻚ ﻭﺧﻮﺗﻮ ﻟﻜﻦ ﺍﻧﺎ ﻗﻠﺒﻲ ﻗﺴﺎﺍﺍﺡ ﻛﻨﺖ ﺍﻧﺎﻧﻴﺔ ﺑﺰﺍﺍﻑ ﻣﺒﻐﻴﺘﺶ ﻭﺟﺮﺣﺘﻮ ﻭﻫﻨﺘﻮ ﻓﻜﺮﺍﻣﺘﻮ ﻋﺎﺩ ﺑﻌﺪ ﻋﻠﻴﺎ ﻭﻛﺎﻥ ﻫﺎﺩﺍ ﺗﺎﻧﻲ ﺷﺨﺺ ﺿﻠﻤﺘﻮ .. ﻛﻤﻠﺖ ﺩﺍﻙ ﻟﻌﺎﻡ ﺩﻭﺭﺍﻥ ﻣﺎﻗﺮﻳﺖ ﻭﺍﻟﻮ ﺗﻼﻗﻴﺖ ﺑﺪﺭﺍﺭﻱ ﻛﻞ ﻣﺮﺓ ﺩﺭﻱ ﻓﺸﻜﻞ ﻭﻏﻴﺮ ﻟﻲ ﻻﺑﺎﺱ ﻋﻠﻴﻬﻢ ﻏﻴﺮ ﺍﻧﺎ ﻛﺎﻧﺖ ﻓﻴﺎ ﻭﺍﺣﺪ ﻟﺤﺎﺟﻪ ﺯﻭﻳﻨﺔ ﻋﻤﺮ ﺷﻲ ﻭﺍﺣﺪ ﻣﺎﻗﺎﺳﻨﻲ ﻭﻟﻲ ﻛﻨﻌﺮﻑ ﻧﻮﺍﻳﺎﻩ ﺧﺎﻳﺒﺔ ﻛﻨﺒﻌﺪ ﻋﻠﻴﻪ ﺩﺍﺍﺍﺍﺯ ﺩﺍﻙ ﻟﻌﺎﻡ ﻣﻜﻤﻠﺘﻮﺵ ﻛﻨﺖ ﻛﻨﻌﺮﻑ ﻭﺍﺣﺪ ﻟﻮﻟﺪ ﻛﺎﻥ ﻟﺼﻘﻪ ﻭﺧﺎ ﻛﺎﻥ ﺯﻭﻳﻦ ﻭﻟﺒﺎﺱ ﻋﻠﻴﻪ ﻟﻜﻦ ﺧﺎﻃﺮﻱ ﻛﺎﻧﺖ ﻫﺎﺭﺑﺔ ﻣﻨﻮ ﻭﻓﻌﻼ ﺍﺣﺴﺎﺳﻲ ﻣﺨﻴﺒﻨﻴﺶ ﺻﺪﻕ ﻣﺰﻭﺝ ﻭﻣﺮﺍﺗﻮ ﺣﺎﻣﻠﺔ ﻗﻠﺖ ﻟﻴﻪ ﺷﻮﻑ ﺍﻧﺎ ﺭﺍﻩ ﻣﺎﻏﺎﺩﺍﺵ ﻧﺒﻘﺎ ﻣﻌﺎﻙ ﻭﻟﻜﻦ ﻧﻄﻠﺒﻚ ﺗﺸﻮﻑ ﻟﻴﺎ ﺷﻲ ﺧﺪﻣﺔ ﺑﻠﻔﻌﻞ ﺷﺎﻑ ﺧﺪﻣﺔ ﻓﺸﺮﻛﺔ ﻛﺮﺍﺀ ﺳﻴﺎﺭﺍﺕ ﺩﻳﺎﻝ ﺻﺎﺣﺒﻮ ﻭﻫﺪﺍ ﻫﻮ ﻣﻴﺪﺍﻧﻮ ﺣﺘﺎ ﻫﻮ ﻭﺧﺪﻣﻨﻲ ﺗﻤﺎ ﺑﺎﺵ ﻳﺒﻘﺎ ﻳﺸﻮﻓﻨﻲ ﺩﻳﻤﺎ .. ﺻﺪﻕ ﺩﺍﻙ ﺻﺎﺣﺒﻮ ﺗﺎﻫﻮ ﻭﻟﻴﺖ ﻧﻌﺠﺒﻮ ﻭﺧﺎ ﻣﺰﻭﺝ ﺑﻴﻮﻧﺎﻧﻴﺔ ﻭﻭﺍﻟﺪ 3 ﻭﺩﺍﺭ ﻟﻴﺎ ﺑﻴﺮﻭ ﺩﻳﺎﻟﻲ ﺑﻮﺣﺪﻱ ﻛﻨﻈﻞ ﻏﻴﺮ ﻧﺘﻔﺮﺝ ﻓﺒﻨﺎﺩﻡ ﻫﻬﻬﻬﻪ ﺣﻴﺖ ﻛﺎﻳﻨﺔ ﺍﻟﺴﻜﺮﻳﺘﻴﺮﺓ ﻭﻛﺎﻳﻨﺔ ﺍﻟﻤﺤﺎﺳﺒﺔ ﻭﺍﻧﺎ ﺩﺍﻳﺮﻧﻲ ﻳﺒﻘﺎ ﻳﺸﻮﻑ ﻓﻴﺎ ﻫﻬﻬﻪ ﺩﺍﺯﺕ 3 ﺍﺷﻬﺮ ﻋﻴﻴﺖ ﻭ ﻣﻠﻴﻴﻴﺖ ﻭﺧﺮﺟﺖ ﻭﺟﻠﺴﺖ ﻓﺪﺍﺍﺭ ﺩﻭﺯﺕ ﻋﺎﻡ ﻓﺪﺍﺭ ﺑﺘﻔﺎﺻﻴﻠﻮ ﻟﻲ ﺑﺴﻴﻄﺔ ﻭﺗﺨﻄﺒﺖ ﻓﻴﻪ 2 ﻣﺮﺍﺕ ﻭﺣﺘﺎ ﻛﻨﺪﻳﺮ ﺍﻟﺨﻄﻮﺑﺔ ﻭﻛﻨﺮﺟﻊ ﻓﻜﻼﻣﻲ ﺑﺤﺎﻻ ﻋﺎﺭﻓﺔ ﺍﻟﻤﺴﺘﻘﺒﻞ ﺍﺵ ﻏﻴﺠﻴﺐ ﻟﻴﺎ ﻣﻲ ﺍﻟﻔﻘﺮ ﺑﺪﺍﺍ ﻛﻴﺪﺧﻞ ﻟﻴﻨﺎ ﻟﻠﺪﺍﺭ ﺳﺒﺤﺎﻥ ﺍﻟﻠﻪ ﻫﺎﺩ ﺍﻟﺪﺍﺭ ﺷﺤﺎﻝ ﻣﻨﺤﻮﺳﺔ...

ﺳﺒﺤﺎﻥ ﺍﻟﻠﻪ ﻫﺎﺩ ﺍﻟﺪﺍﺭ ﺷﺤﺎﻝ ﻣﻨﺤﻮﺳﺔ ﺍﻟﻤﻬﻢ ﻗﺮﺭﺕ ﺑﺎﺵ ﺍﻟﻌﺎﻡ ﺍﻟﻤﺎﺟﻲ ﻧﻘﺮﺍ ﺗﺠﺎﺭﺓ ﻫﻲ ﻫﺪﻳﻚ ﻣﺸﻴﺖ ﺗﺴﺠﻠﺖ ﻭ ﺗﻌﺮﻓﺖ ﻋﻠﻰ 5 ﺷﺒﺎﺏ ﻓﻤﺮﺓ ﻭﺣﺪة ﻫﻬﻬﻬﻪ ﺑﺪﻳﺖ ﻛﻨﻐﺮﺑﻞ ﻓﻴﻬﻢ ﻭﺍﺣﺪ ﺑﻮﺍﺣﺪ ﺗﺎﺑﻘﻴﺖ ﻣﻊ ﻳﻮﺳﻒ ﻛﺎﻥ ﻃﻮﻳﻞ ﻭﻓﻮﺭﻣﺘﻮ ﻋﺎﺩﻳﺔ ﻣﺎﺭﻗﻴﻖ ﻣﺎﻏﻠﻴﺾ ﻛﺎﻥ ﺟﻤﺎﻟﻮ ﺍﻭﺭﻭﺑﻲ ﺷﻌﺮو زعر ﻭﻟﻮﻥ ﻋﻴﻨﻴﻪ ﺑﺤﺎﻝ ﻟﻮﻥ ﻟﺒﺤﺮ ﻣﺎﺋﻞ ﺑﻴﻦ ﺍﻻﺧﻀﺮ ﻭﺍﻻﺯﺭﻕ ﻛﻨﺖ ﻛﻨﺪﻭﻭﺥ ﻓﻌﻴﻨﻴﻪ ﻭﻛﺎﻧﺖ ﻋﻨﺪﻭ ﻟﺤﻴﺔ ﺷﻬﺒﺔ ﻋﺮﻓﺘﻮ ﻭﺍﻟﻠﻪ ﺗﺎ ﻛﻴﺸﺒﻪ ﻟﻤﺤﻤﻮﺩ ﺭﺍﺟﻞ ﻣﻨﺎﺭ ﻫﻬﻪ ﺑﻘﻴﺖ ﻣﻌﺎﻩ ﺩﺍﻙ ﻟﻌﺎﻡ ﻣﺒﻘﺎﺵ ﻛﻴﺨﻠﻴﻨﻲ ﻧﻌﺮﻱ ﺷﻌﺮﻱ ﺩﺭﺕ ﻟﻴﻪ ﺣﺠﺎﺏ ﻋﺎﺩﻱ ﻛﻨﻠﺒﺲ ﺟﻴﻨﺰ ﻭﻧﺪﻳﺮ ﻣﻜﻴﺎﺝ ﺳﺎﻻ ﺩﺍﻙ ﻟﻌﺎﻡ ﻣﺨﻼﻧﻴﺶ ﻧﺠﺢ ﻓﻴﻪ ﺣﻴﺖ ﻛﺎﻥ ﺑﺎﻏﻴﻨﻲ ﻧﻘﺮﺍ ﺑﺎﻙ ﺣﺮ ﻭﻧﺸﺪ ﺍﻟﺒﺎﻙ ﺑﺤﻜﻢ ﺍﻥ ﻋﺎﺋﻠﺘﻮ ﻣﺎﻳﻘﺒﻠﻮﺵ ﺑﺰﻭﺟﺔ ﺍﺑﻨﻬﻢ ﻟﻲ ﻣﻌﻨﺪﻫﺎﺵ ﻣﺴﺘﻮﻯ ﺩﺭﺍﺳﻲ ﺟﻠﺴﺖ ﻋﺎﻡ ﺍﺧﺮ ﻓﺪﺍﺭ ﻫﻬﻬﻪ ﺩﺍﻳﺮﺓ ﻧﻮﺑﺔ ﺟﻠﺴﺖ ﺑﺎﺵ ﻧﻘﺮﺍ ﻟﺒﺎﻙ ﺣﺮ ﻟﻜﻦ ﺗﻌﻜﺴﻮ ﻟﻴﺎ ﻟﻮﺭﺍﻕ ﻭﺗﺮﻓﺾ ﺍﻟﻤﻠﻒ ﺩﻳﺎﻟﻮ ﺑﻘﻴﺖ ﺟﺎﻟﺴﺔ ﻓﺪﺍﺭ ﺩﺍﻙ ﻟﻌﺎﻡ ﺷﻮﻳﺔ ﻋﺎﻭﺗﺎﻧﻲ ﻃﻠﻊ ﻟﻴﺎ ﺩﺍﻙ ﺳﻴﺪ ﻓﺮﺍﺳﻲ ﻗﺮﺭﺕ ﻧﺘﻔﺎﺭﻕ ﻣﻌﺎﻩ ﻣﺘﻘﺒﻠﻬﺎﺵ ﻫﺪﺍ ﺑﺰﺍﺍﺍﻑ ﻭﻻ ﻛﻴﻬﺪﺩﻧﻲ ﺑﺘﺼﺎﻭﺭﻱ ﻣﻌﺎﻩ ‏(ﻃﺒﻌﺎ ﻣﺤﺘﺎﺭﻣﻴﻦ ﻟﻜﻦ ﻋﺎﺭﻓﻨﻲ ﻛﻨﺨﺎﻑ ﻋﻠﻰ ﺳﻤﻌﺘﻲ‏) ﻣﺒﻐﻴﺘﺶ ﻭﺷﺤﺎﻝ ﺑﻜﻴﺖ ﻭﺗﺨﻠﻌﺖ ﻭﺯﺩﺕ ﺿﻌﺎﻓﻴﺖ ﻫﻬﻪ ﻭﻣﺸﺎ ﻫﻀﺮ ﻣﻊ ﺑﺎﺑﺎ ﺑﻼ ﺧﺒﺎﺭﻱ ﺑﻐﺎ ﻳﺨﻄﺒﻨﻲ ﻟﻜﻦ ﺍﻧﺎ ﻣﺒﻐﻴﺘﺶ ﻭﺧﻴﺒﺖ ﺻﻮﺭﺗﻮ ﻓﻌﻴﻨﻬﻢ ﻣﻬﻢ ﺑﻘﻴﺖ ﻛﻨﺮﻓﻀﻮ ﺣﺘﺎ ﻋﻴﺎ ﻭﻣﺸﺎ ﻟﻜﻦ ﻣﺸﺎ ﻭﻫﻮ ﻣﺤﻄﻢ ﺑﻌﺪ ﻋﺎﻡ ﻭﻧﺼﻒ ﺍﻳﻀﺎ ﺩﻳﺎﻝ ﻟﺤﺐ ﻭﺍﻻﺣﻼﻡ ﻭﺍﻟﻮﻋﻮﺩ و... ﻭﻛﺎﻥ ﻫﺪﺍ ﺛﺎﻟﺚ ﺷﺨﺺ ﻛﻨﻀﻠﻤﻮ ﺑﻘﻴﺖ ﺷﻮﻳﺔ ﺑﻮﺣﺪﻱ ﺩﺭﺕ ﻭاحد الوصفة ﻏﻼﺿﻴﺖ ﻭﻫﻨﺎ ﺯﺩﺕ ﺯﻳﺎﻧﻴﺖ ﻣﻦ ﺑﻌﺪ ﺗﻌﺮﻓﺖ ﻋﻠﻰ ﺷﺎﺏ ﻣﻠﺘﺰﻡ ﺷﻮﻳﺔ ﻋﺒﺮ ﺍﻻﻧﺘﺮﻧﻴﺖ ﻭﻛﺎﻥ ﺑﺎﻏﻴﻨﻲ ﻟﻠﺤﻼﻝ ﻋﺠﺒﻨﻲ ﻭﺑﻐﻴﺘﻮ ﺣﺘﺎ ﻫﻮ ﻫﻬﻪ ﻭﺑﻘﻴﺖ ﻣﻌﺎﻩ 9 ﺍﺷﻬﺮ ﻭﺑﺎﻥ ﻟﻴﺎ ﻣﺎﺷﻲ ﺩﻳﺎﻝ ﺯﻭﺍﺝ ﺣﻴﺖ ﻛﺒﻴﺮ ﻭﻣﺨﺪﺍﻡ ﻣﺎﻋﻨﺪﻭ ﺳﻜﻦ ﺍﻟﻠﻬﻢ ﻧﺘﻔﺎﺭﻕ ﻣﻌﺎﻩ ﺩﺑﺎ ﻗﺒﻞ ﻣﺎ نخليه يتعلق ﺑﻴﺎ كثر...
ﻣﻦ ﺑﻌﺪ ﺗﻌﺮﻓﺖ ﻋﻠﻰ ﺷﺎﺏ ﻣﻠﺘﺰﻡ ﺷﻮﻳﺔ ﻋﺒﺮ ﺍﻻﻧﺘﺮﻧﻴﺖ ﻭﻛﺎﻥ ﺑﺎﻏﻴﻨﻲ ﻟﻠﺤﻼﻝ ﻋﺠﺒﻨﻲ ﻭﺑﻐﻴﺘﻮ ﺣﺘﺎ ﻫﻮ ﻫﻬﻪ ﻭﺑﻘﻴﺖ ﻣﻌﺎﻩ 9 ﺍﺷﻬﺮ ﻭﺑﺎﻥ ﻟﻴﺎ ﻣﺎﺷﻲ ﺩﻳﺎﻝ ﺯﻭﺍﺝ ﺣﻴﺖ ﻛﺒﻴﺮ ﻭﻣﺨﺪﺍﻡ ﻣﺎﻋﻨﺪﻭ ﺳﻜﻦ ﺍﻟﻠﻬﻢ ﻧﺘﻔﺎﺭﻕ ﻣﻌﺎﻩ ﺩﺑﺎ ﻗﺒﻞ ﻣﺎ ﻧﺨﻠﻴﻪ ﻳﺘﻌﻠﻖ ﺑﻴﺎ ﻛﺜﺮ ﺗﻔﺎﺭﻗﺖ ﻣﻌﺎﻩ ﻭﻫﻮ ﺍﻛﺘﺮ ﺷﺨﺺ ﻣﺤﻄﻢ ﺍﻛﺘﺮ ﻣﻦ ﺍﻟﻠﻲ ﻗﺒﻠﻮ ﻭﻗﺎﻟﻴﺎ ﺑﻠﻲ ﻋﻤﺮﻭ ﻳﺴﺎﻣﺤﻨﻲ ﺍﻓﻔﻔﻒ ﻭﻛﺎﻥ ﻫﻮ ﺭﺍﺑﻊ ﺷﺨﺺ ﻧﻀﻠﻤﻮ ﻣﻠﻴﻴﺖ ﻣﻦ ﺣﻴﺎﺗﻲ ﺑﺰﺍﺍﺍﺍﻑ ﻫﺎﺩ ﻟﻘﻠﺐ ﺍﺵ ﺑﻐﻰ ﺗﺎﻭﺍﺣﺪ ﻣﺎﻗﻨﻌﻮ ﺟﺮﺣﺖ ﺑﺰﺍﺍﻑ ﺩﻳﺎﻝ ﺍﻟﻨﺎﺱ ﻟﻜﻦ ﺍﻟﻘﺪﺭ ﻣﻐﻴﺘﺴﺎﻫﻠﺶ ﻣﻌﺎﻳﺎ ﻏﻴﺎﺧﺪ ﺑﺘﺄﺭﻫﻢ ﺣﺎﻭﻟﺖ ﻧﺰﻳﺪ ﻧﺘﻘﺮﺏ ﻣﻦ ﺍﻟﻠﻪ ﺑﻤﺎ ﺍﻧﻨﻲ ﻗﻔﺮﺗﻬﺎ ﻭﺿﻠﻤﺖ ﺍﻛﺘﺮ ﻣﻦ ﺷﺨﺺ ﻭﺑﺎﻟﻔﻌﻞ ﻭﺍﻟﺤﻤﺪ ﻟﻠﻪ ﻭﻓﻘﻨﻲ ﺍﻟﻠﻪ ﻭﻟﺒﺴﺖ ﺣﺠﺎﺏ ﺷﺮﻋﻲ ﻭﻭﻟﻴﻴﺖ ﻧﺼﻠﻲ ﻓﻲ ﺍﻟﻮﻗﺖ ﻭﻧﻔﻴﻖ ﻟﻠﻔﺠﺮ ﻟﻜﻦ ﻣﻊ ﺩﻟﻚ ﻓﻲ ﺍﻟﻠﻴﻞ ﻣﻠﻲ ﻧﻌﺲ ﻛﻨﺤﻠﻢ ﺑﻠﻲ ﺿﻠﻤﺘﻬﻢ ﺩﻳﻤﺎ ﻛﻨﺤﻠﻢ ﺏ ﺍﺧﺮ ﺷﺨﺺ ﻛﻴﻮﻗﻒ ﻟﻴﺎ ﻓﻠﻤﻨﺎﻡ ﻭﻳﻘﻮﻝ ﻟﻴﺎ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻚ ﻭﻛﻴﺒﻜﻲ ﻛﻨﻔﻴﻖ ﻣﺨﻠﻮﻋﻪ ﻭﻧﺒﺪﺍ ﻧﺒﻜﻲ ﺟﺎﺀ ﺻﻴﻒ ﺍﺧﺮ ﻋﺎﻭﺗﺎﻧﻲ ﺣﺎﻣﻞ ﻓﻲ ﻃﻴﺎﺗﻪ ﺍﻟﻤﺰﻳﺪ ﻣﻦ ﺍﻟﻐﻤﻮﺽ ﻫﺬﺍ ﻫﻮ ﺍﻟﺼﻴﻒ ﻟﻲ ﻏﺎﺩﻱ ﻳﺒﺪﻝ ﻟﻲ ﺣﻴﺎﺗﻲ ﺭﺃﺳﺎ ﻋﻠﻰ ﻋﻘﺐ ﻣﻲ ﻭﺍﺧﺎ ﻫﻜﺎﻙ ﻛﺎﻥ ﺍﻣﻠﻲ ﻓﻲ ﺍﻟﻠﻪ ﻛﺒﻴﺮ ﻗﺮﺭﺕ ﺍﻟﻌﺎﺋﻠﺔ ﻧﺪﻭﺯﻭﻩ ﻋﻨﺪ ﻣﻌﺎﺭﻓﻨﺎ ﻓﻲ ﺍﮔﺎﺩﻳﺮ ﺍﻟﺤﺒﻴﺒﺔ ﻣﺸﻴﻨﺎ ﺟﻠﺴﻨﺎ ﻋﻨﺪﻫﻢ ﻧﺎﺱ ﺿﺮﻳﻔﻴﻦ ﻏﻴﺮ ﻫﻮﻣﺎ ﻣﺎﻋﻨﺪﻫﻢ ﺑﻨﺎﺕ ﻟﻲ ﻳﻮﻧﺴﻮﻧﻲ ﺑﺤﻜﻢ ﺍﻧﻮ ﺍﺧﺘﻲ ﻣﺰﻭﺟﻪ ﻭﻓﺪﺍﺭﻫﺎ ﻭ ﺧﻮﻳﺎ ﻟﻲ ﺗﺰﻭﺝ ﺭﺍﻩ ﺗﺰﻭﺝ ﻭﻣﺸﺎ ﻟﻠﺨﺎﺭﺝ ﻭ ﺧﻮﻳﺎ ﻟﻲ ﺻﻐﺮ ﻣﻨﻲ ﺑﺴﻨﺔ ﺍﻟﻮﺳﻴﻢ ﺍﻟﺒﻮﻗﻮﺹ ﻣﺴﺎﻓﺮ ﻣﻊ ﺣﺒﻴﺒﺔ ﺍﻟﻘﻠﺐ ﻫﻪ ﻣﺸﻴﺖ ﻏﻴﺮ ﺍﻧﺎ ﻭﻣﺎﻣﺎ ﻭﺑﺎﺑﺎ ﺭﺍﻛﻢ ﻋﺎﺭﻓﻴﻦ ﻣﻠﻲ ﻛﻴﺘﺠﻤﻌﻮ ﻧﺎﺱ ﻛﺒﺎﺭ ﻓﺪﺍﺭ ﻭﺣﺪﻩ ﻛﻴﻜﻮﻥ ﺍﻟﻤﻠﻞ ﺍﻧﺎ ﻣﻮﻧﺴﻨﻲ ﺗﻠﻔﻮﻧﻲ ﺣﺒﻴﺒﻲ ﻟﻴﻜﺎﻥ ﺟﺎﺑﻮ ﻟﻴﺎ ﻳﻮﺳﻒ ﻛﺎﺩﻭ ﻛﻨﺎ ﻛﻨﺨﺮﺟﻮ ﺑﻠﻴﻞ ﻭﺑﻨﻬﺎﺭ ﺑﺎﺑﺎ ﻭﺻﺎﺣﺒﻮ ﻳﺨﺮﺟﻮ ﻭﻛﻴﺒﻘﺎﻭ ﻟﻌﻴﺎﻻﺕ ﻣﺠﻤﻌﻴﻦ ﻭﺍﻧﺎ ﻏﻴﺮ ﺷﺎﺩﻩ ﻟﻤﺸﻘﻮﻑ ﻓﻲ ﻳﺪﻱ ﻭﺍﺣﺪ ﺍﻟﻨﻬﺎﺭ ﻗﺮﺭﺕ ﻧﺨﺮﺝ ﺑﻮﺣﺪﻱ ﻧﺘﻤﺸﻰ ﻣﺎﻟﻬﺎ ﺍﺵ ﻓﻴﻬﺎ ﻳﺎﻙ ﻋﻨﺪﻱ ﺭﺟﻠﻴﺎ ﻧﺨﺮﺝ ﻭﻧﺸﻮﻑ ﻟﻤﺪﻳﻨﺔ ﺧﺮﺟﺖ ﻣﺸﻴﺖ ﺟﻠﺴﺖ ﻓﻮﺍﺣﺪ ﻟﺒﻼﺻﺔ ﻛﻠﻴﺖ ﻛﻼﺹ ﻭﺗﺴﺎﺭﻳﺖ ﺷﻮﻳﺔ ﻓﻼﻛﻮﺭﻧﻴﺶ ﻭﻓﺎﺵ ﺩﺭﻭﻧﻲ ﺭﺟﻠﻴﺎ ﻭﺿﺮﺑﺎﺗﻨﻲ ﺷﻤﺲ ﻟﺮﺍﺳﻲ ﻭﺟﺎﻧﻲ ﺻﻬﺪ ﻣﻊ ﻫﺎﺩ ﻟﺨﻤﺎﺭ ﻗﺮﺭﺕ ﻧﺮﺟﻊ ﺑﻐﻴﺖ ﻧﺨﺘﺎﺻﺮ ﻃﺮﻳﻖ ﻭﺳﻂ ﺍﻻﺣﻴﺎﺀ ﺣﻴﺖ ﺩﺍﺭ ﻗﺮﻳﺒﺔ ﺩﺧﻠﺖ ﻭﺳﻂ ﺍﻟﺤﻲ ﻭﺍﺧﺮ ﺣﺎﺟﻪ ﻛﻨﻌﻘﻞ ﻋﻠﻴﻬﺎ ﻫﻲ ﺍﻧﺎ ﻃﺎﻳﺤﺔ ﻓﻲ ﺍﻻﺭﺽ ﻛﻠﻲ ﺩﻣﺎﻳﺎﺕ ﻭﻛﻨﻐﻮﺕ ﻣﺎﻣﺎ ﻣﺎﻣﺎ ﻭﻏﻴﺒﺖ ..
ﻗﺮﺭﺕ ﻧﺮﺟﻊ ﺑﻐﻴﺖ ﻧﺨﺘﺎﺻﺮ ﻃﺮﻳﻖ ﻭﺳﻂ ﺍﻻﺣﻴﺎﺀ ﺣﻴﺖ ﺩﺍﺭ ﻗﺮﻳﺒﺔ ﺩﺧﻠﺖ ﻭﺳﻂ ﺍﻟﺤﻲ ﻭﺍﺧﺮ ﺣﺎﺟﻪ ﻛﻨﻌﻘﻞ ﻋﻠﻴﻬﺎ ﻫﻲ ﺍﻧﺎ ﻃﺎﻳﺤﺔ ﻓﻲ ﺍﻻﺭﺽ ﻛﻠﻲ ﺩﻣﺎﻳﺎﺕ ﻭﻛﻨﻐﻮﺕ ﻣﺎﻣﺎ ﻣﺎﻣﺎ ﻭﻏﻴﺒﺖ ﻧﺎﺭﻱ ﺍﺵ ﻫﺎﺩﺷﻲ؟
ﺣﻠﻴﺖ ﻋﻴﻨﻲ ﻓﺠﺄﺓ ﻛﻨﻠﻘﺎ ﺭﺍﺳﻲ ﻓﻤﻜﺎﻥ ﻏﻴﺮ ﻣﻌﺮﻭﻑ ﻛﻨﻐﻤﺾ ﻓﻴﻬﻢ ﻭﻧﺤﻞ ﻭﺍﻟﻮ ﺍﺵ ﻫﺎﺩﺷﻲ؟ ﻓﻴﻦ ﺍﻧﺎ؟؟
ﻧﺎﺭﻱ ﺃﻣﻴﻤﺘﻲ ﺍﻧﺎ في ﻭﺳﻂ ﺍﻟﺒﺤﺮ ﻛﻨﻐﻮﺹ ﻓﻴﻪ ﻟﺪﺍﺧﻞ ﻣﻲ ﺷﻜﻮﻥ ﻫﺎﺩ ﺍﻟﻨﺎﺱ ﻟﻲ ﻣﻌﺎﻳﺎ؟ ﻭﻛﻠﻨﺎ ﻻﺑﺴﻴﻦ ﺑﺪﻟﺔ ﺩﻳﺎﻝ ﺍﻟﻐﻄﺲ؟ ﺍﻭﻳﻠﻲ ﺍﻧﺎ ﻻﺑﺴﺔ ﺑﺪﻟﺔ ديال ﻏﻄﺲ ﻓﻴﻦ ﺣﺠﺎﺑﻲ ﺍﺵ ﻭﺍﺍﺍﻗﻊ ﻟﻴﺎ؟
ﻣﻘﺎﺩﺍﺵ ﻧﺘﻨﻔﺲ ﻗﻠﺒﻲ ﻛﻴﻀﺮﺏ ﺑﺴﺮعة ﺍﻟﺸﺨﺺ ﻟﻲ ﺣﺪﺍﻳﺎ ﻛﻴﺤﺮﻙ ﻓﻴﺎ ﻭﺍﻧﺎ ﻏﻴﺮ ﻛﻨﺨﺒﻂ ب ﻳﺪﻳﺎ ﻭﺭﺟﻠﻴﺎ ﺑﺎﻏﺎ ﻧﻄﻠﻊ ﻟﻠﺴﻄﺢ ﻓﻬﻤﻨﻲ ﻭﻃﻠﻌﻨﻲ ﻛﻠﻬﻢ ﻃﻠﻌﻮ
ﻃﻠﻌﻮﻧﻲ ﻟﻮﺍﺣﺪ ﺍﻟﻴﺨﺖ ﺑﺎﻳﻦ ﻓﻴﻪ ﺩﻳﺎﻝ ﺷﻲ ﻭﺍﺣﺪ ﻻﺑﺎﺱ ﻋﻠﻴﻪ ﻣﻲ ﺍﻧﺎ ﺍﺵ ﻛﻨﺪﻳﺮ ﻫﻨﺎ ﺣﻴﺪﺕ ﺩﺍﻛﺸﻲ ﻣﻦ ﻭﺟﻬﻲ ﺩﻏﻴﺎ ﻭﺑﺪﻳﺖ ﻧﻐﻮﺕ ﻓﻴﻦ ﺍﻧﺎ ﻭﺷﻜﻮﻥ ﻧﺘﻮﻣﺎ ﻭﺍﺣﺪ ﻓﻴﻬﻢ ﺟﺎﻟﺲ ﻛﻴﻌﻨﻖ ﻓﻴﺎ ﻭﻳﻬﻀﺮ ﺑﺸﻲ ﻛﻼﻡ ﻣﺎﻣﻔﻬﻮﻣﺶ ﺟﺎﺗﻨﻲ ﻫﺴﺘﻴﺮﻳﺎ ﺩﻳﺎﻝ ﻟﻐﻮﺕ ﻧﺎﺱ ﺑﺰﺍﻑ ﺑﺤﺎﻻ ﻛﻴﻌﺮﻓﻮﻧﻲ ﻛﻨﺴﻤﻌﻬﻢ ﻛﻴﻌﻴﻄﻮﻟﻲ ﺑﺴﻤﻴﺔ ﻣﺎﺷﻲ ﺍﺳﻼﻣﻴﺔ ﺍﺷﻬﺎﺩ ﻟﻌﺠﺐ ﺍﻭﻳﻠﻲ؟
ﺍﻟﺸﺨﺺ : ﻫﻴﺮﻟﻴﻦ ... ﻫﻴﺮﻟﻴﻦ ...
ﻣﻲ ﺃﻧﺎ ﻣﻔﻬﻤﺘﺶ ﺩﺍﻛﺸﻲ اللخر ﻭ ﺭﺍﻩ ﺳﻤﻴﺘﻲ ﻣﺮﻳﻢ ﺍﻟﻘﻮﻡ ﺃﺷﻤﻦ ﻫﻴﺮﻟﻴﻦ ﻧﺎﺭﻱ ﺍﺵ ﻫﺎﺩ ﺻﺪﺍﻉ ﻓﺮﺍﺳﻲ ﺑﻘﻴﺖ ﻛﻨﻐﻮﺕ ﺭﺑﻲ ﻟﻲ ﺧﻠﻘﻨﻲ ﺿﺮﻧﻲ ﺭﺍﺳﻲ ﺑﺰﺍﺍﺍﻑ ﻣﺎﻝ ﺫﻛﺮﻳﺎﺕ ﻃﻔﻮﻟﺘﻲ ﻛﻴﺪﻭﺯﻭ ﻟﻴﺎ ﻓﻌﻘﻠﻲ ﺍﻭﻭﻭ ﺫﻛﺮﻳﺎﺗﻲ ﻛﺎﻣﻠﻴﻦ ﻛﻴﺪﻭﺯﻭ ﺍﺵ ﻛﺎﻳﻦ ﺗﻢ ﻏﺎﺩﻱ ﺑﻴﻨﺎ ﺩﺍﻙ ﺍﻟﻴﺨﺖ ﻭﺍﻧﺎ ﺣﺎﻭﻟﺖ ﻧﻤﺴﻚ ﺍﻋﺼﺎﺑﻲ ﻣﺸﻴﺖ ﻟﻮﺍﺣﺪ ﻟﻘﻨﺖ ﻭﺍﺧﺎ ﺩﺍﻙ ﺑﻨﺎﺩﻡ ﻣﺎﺑﻐﺎﺵ ﻳﺘﻔﺮﻕ ﻋﻠﻴﺎ ﻏﻴﺮ ﻻﺻﻘﻨﻲ ﺟﻠﺴﺖ ﻭ ﺑﺪﻳﺖ ﻛﺎﻧﻐﻮﻭﻭﺹ ﻭ ﻧﻔﻜﺮ ﻓﻲ ﺍﻟﺬﻛﺮﻳﺎﺕ ﺍﻟﻤﻬﻢ ﻭﺻﻞ ﺑﻴﻨﺎ ﺍﻟﻴﺨﺖ ﻟﻠﻴﺎﺑﺴﺔ ﻭﺩﻭﻙ ﺍﻟﻘﻮﻡ ﺩﺍﻳﺮﻳﻦ ﺑﻴﺎ ﻭﺩﺍﻙ ﺍﻟﺴﻴﺪ ﻣﺰﺍﻝ ﻻﺻﻘﻨﻲ ﻋﺎﺩ ﻧﺰﻝ ﻋﻠﻴﺎ ﺍﻟﻮﺣﻲ ﻭﺗﻔﻜﺮﺕ ﺩﻳﻚ ﺍﻟﺒﺮﻛﺔ ﺩﻳﺎﻝ ﺍﻻﻧﺠﻠﻴﺰﻳﺔ ﻟﻲ ﻋﺎﺭﻓﺔ ﻭ ﻗﻠﺖ ﻟﻴﻪ :
ﻓﻴﻦ ﺣﻨﺎ؟
ﺍﻟﺸﺨﺺ : ﻭﻫﻮ ﻣﺮﺗﺒﻚ ﺑﺤﺎﻻ ﻣﺨﺒﻲ ﻋﻠﻴﺎ ﺷﻲ ﺣﺎجة ﻏﻴﺮ ﺭﺗﺎﺣﻲ ﻧﻮﺻﻠﻮ ﻟﻌﻨﺪ ﻃﺒﻴﺐ ﻭﻳﺸﺮﺡ ﻟﻴﻚ ﻛﻠﺸﻲ..

ﺍﻟﺸﺨﺺ : ﻭﻫﻮ ﻣﺮﺗﺒﻚ ﺑﺤﺎﻻ ﻣﺨﺒﻲ ﻋﻠﻴﺎ ﺷﻲ ﺣﺎجة ﻏﻴﺮ ﺭﺗﺎﺣﻲ ﻧﻮﺻﻠﻮ ﻟﻌﻨﺪ ﻃﺒﻴﺐ ﻭﻳﺸﺮﺡ ﻟﻴﻚ ﻛﻠﺸﻲ
ﺩﺭﺗﻬﺎ ﻑ ﻳﺪ ﺍﻟﻠﻪ ﻭﺳﻜﺖ ﺑﻐﻴﺖ ﻧﻠﺒﺲ ﺣﻮﺍﻳﺠﻲ ﻗﻠﺖ ﻟﻴﻪ : ﻓﻴﻦ ﺣﻮﺍﻳﺠﻲ؟
ﺍﻟﺸﺨﺺ : ﺗﺴﻨﺎﻱ ﺍﻧﺎ ﻏﻨﺠﻴﺒﻬﻢ ﻟﻴﻚ ﺩﺑﺎ ﺣﺘﺎ ﺍﻧﺎ ﺧﺼﻨﻲ ﻧﻠﺒﺲ
ﺟﺎﺏ ﻟﻴﺎ ﺷﻲ ﻟﺒﺲ ﺍﻭﻳﻠﻲ ﺣﺸﻤﺔ ﻫﺎﺩ ﺍﻟﻠﺒﺲ ﻣﺎﻟﺒﺴﺘﻮ ﻣﻦ ﺃﻳﺎﻡ ﺯﻣﺎﻥ ﻭﻛﻨﺖ ﻧﻠﺒﺴﻮ ﻏﻴﺮ ﻓﺎﺵ كاﻧﻜﻮﻧﻮ ﻣﺨﻴﻤﻴﻦ ﺷﻮﺭﻁ ﻗﺼﻴﺮ ﻭ ﺟﻴﻨﺰ ﻭﺑﻮﺩﻱ ﻭﺳﻨﻴﺪﻳﻠﺔ ﺍﻭﻳﻠﻲ ﻭﺍﻧﺎ ﻛﻨﺖ ﻧﻠﺒﺲ ﻏﻲ ﻟﺨﻤﺎﺭ ﻭﺗﻘﺎﺷﺮ ﻣﻊ ﺳﺒﺎﺑﻂ ﺗﻌﺼﺒﺖ ﻭﻟﺤﺘﻬﻢ ﻑ ﺍﻻﺭﺽ ﺩﺭﺕ ﻟﻴﻪ ﺍﻟﺸﻮﻫﺔ ﻗﻠﺖ ﻟﻴﻪ ﻭﺍﺵ ﻛﻀﺤﻚ ﻋﻠﻴﺎ ﺍﺵ ﻫﺎﺩ ﺍﻟﻠﺒﺲ ﺑﺎﻥ ﻟﻴﺎ ﺗﻌﺼﺐ ﻭﻋﺮﻭﻗﻮ ﺑﺪﺍﻭ ﻳﺒﺎﻧﻮ ﺯﺍﻳﺮ ﻋﻠﻰ ﺳﻨﺎﻧﻮ ﻭﻗﺮﺏ ﺟﻴﻬﺘﻲ ﻭﻗﺎﻝ : ﻟﺒﺴﻲ ﺩﺑﺎ ﻫﺎﺩﺷﻲ ﺭﺍﻙ ﻣﻦ ﺑﻌﺪ ﻭﻏﺘﻔﻬﻤﻲ ﻛﻠﺸﻲ ﺍﻟﺼﺮﺍﺣﺔ ﺧﻔﺖ ﻣﻨﻮ ﻭﺍﻧﺎ ﺑﻮﺣﺪﻱ ﻓﻬﺎﺩ ﺍﻟﻘﻨﺖ ﻭﻣﻌﺮﻓﺖ ﻓﻴﻦ ﺣﻨﺎ ﻭﺍﺵ ﻓﻲ ﺃﺭﻭﺑﺎ ﻭ ﻻ ﻣﻨﻌﺮﻑ ﻃﻠﺒﺖ ﺍﻟﻠﻪ ﻳﺴﻤﺢ ﻟﻴﺎ ﺣﻴﺖ ﺑﺰﺯ ﻣﻨﻲ ﻟﺒﺴﺖ ﺩﺍﻙ ﻟﻌﺠﺐ ﻧﻀﻨﺎ ﻫﺒﻄﻨﺎ ﻭﻟﺒﻨﺎﺕ ﻛﻴﺠﻴﻮ ﻳﺒﻮﺳﻮ ﻓﻴﺎ ﻭﻳﺒﻜﻴﻮ ﻭﻫﻮ ﻛﻴﻬﻀﺮ ﻣﻌﺎﻫﻢ ﺑﺪﻳﻚ ﺍﻟﻠﻐﻪ ﺑﺤﺎﻻ كاﻳﻄﻤﻨﻬﻢ ﻋﻠﻴﺎ
ﻫﺒﻄﻨﺎ ﺑﺎﻧﻮ ﻟﻴﺎ ﻣﺸﺎﻭ ﻭﺑﻘﻴﻨﺎ ﻏﻴﺮ ﺍﻧﺎ ﻭﻳﺎﻩ
ﺍﻧﺎ : ﻓﻴﻦ ﻏﻨﻤﺸﻴﻮ ﺩﺍﺑﺎ ﻭﺍﺵ ﻏﻨﺒﻘﺎ ﻣﻌﺎﻙ؟
ﺍﻟﺸﺨﺺ : ﺍﻩ ﻏﺘﺒﻘﺎﻱ ﻣﻌﺎﻳﺎ ﺣﻴﺖ ﻧﺘﻲ ﻣﻌﺎﻳﺎ ﻓﻲ ﺍﻣﺎﻥ ﻭﺍﻧﺎ ﻭﻳﺎﻙ ﺩﺑﺎ ﻏﻨﻤﺸﻴﻮ ﻋﻨﺪ ﻃﺒﻴﺐ ﻭﺩﻳﻚ ﺳﺎعة ﻏﻨﺠﺎﻭﺑﻚ ﻋﻠﻰ ﻛﺎﻉ ﺍﻻﺳﺌﻠﺔ ﻟﻲ ﻓﺒﺎﻟﻚ
ﻗﻠﺖ ﻟﻴﻪ ﺍﻭﻛﻲ ﻭﻣﺸﻴﻨﺎ ﺭﻛﺒﻨﺎ ﻓﻲ واااحد ﻃﻮﻣﻮﺑﻴﻞ ﺑﺸﺎﺍﺍﺍﺥ ﺍﺵ ﻫﺎﺩ ﻟﻌﺠﺐ ﻭ ﻃﻮﻣﻮﺑﻴﻠﺘﻮ ﻫﺎﻱ ﻛﻼﺱ ﻓﻴﺮﺍﺭﻱ 911 ‏( ﺑﺤﺎﻝ ﺩﻳﺎﻝ ﺯﻻﺗﺎﻥ ﺇﺑﺮﺍﻫﻴﻤﻮﻓﻴﺶ ﻏﺎﻳﻌﺮﻓﻮﻩ ﻏﻲ ﺩراﺭﻱ ﻣﻲ ﺍﻟﺒﻨﺎﺕ ﻣﺤﺎﻝ ﻳﻌﺮﻓﻮﻩ ﻫﻬﻪ‏) ﻫﺎﺩﻱ ﺭﺍﻫﺎ ﺗﺤﻔﺔ ﻓﻨﻴﺔ ﻣﺎﺷﻲ ﻃﻮﻣﻮﺑﻴﻞ ﻫﻬﻪ ﺧﺘﻜﻢ ﻛﺎﺗﺤﻤﺎﻕ ﻋﻠﻰ ﻟﺤﺪﻳﺪ...
ﺍﻟﻤﻬﻢ ﺭﻛﺒﻨﺎ ﻭﻃﺮﻳﻖ ﻛﺎﻣﻠﺔ ﻭﺍﻧﺎ ﻛﺎﻧﺸﻮﻑ ﻓﻲ ﺍﻟﻤﻨﺎﻇﺮ ﺍﻟﺨﻼﺑﺔ ﺩﻳﺎﻝ ﻫﺎﺩ ﺍﻟﺒﻼﺩ ﺍﻟﻌﺠﻴﺒﺔ ﺍﻩ ﻫﺪﺍ ﻣﺎﺷﻲ ﺍﻟﻤﻐﺮﺏ ﻫﺎﺩﺍ ﺑﻠﺪ ﺍﻭﺭﻭﺑﻲ ﺑﻠﺪ ﺭﺍﻗﻲ ﺑﺰﺍﺍﺍﻑ ﻣﺮﺓ ﻣﺮﺓ كاﻧﻀﺮﺏ ﻃﻠﻴﻠﺔ ﻭ ﻧﺸﻮﻑ ﻓﻮﺟﻬﻮ ﻛﻴﺒﺎﻥ ﻟﻴﺎ ﻛﻴﻔﻜﺮ ﻭﻭﺟﻬﻮ ﺣﻤﺭ ﻭﻣﻌﺼﺐ ﻏﻴﺮ ﺑﻮﺣﺪﻭ ﻭﻳﻜﺴﻴﺮﻱ ﻭﻋﺮﻭﻗﻮ ﺧﺎﺭﺟﻴﻦ ﻫﺪﺍ ﻣﺎﻟﻮ؟
ﺷﻮﻳﺔ ﺟﺒﺪ ﺗﻠﻔﻮﻥ ﻭﻛﻴﻬﻀﺮ ﺑﺪﻳﻚ ﺍﻟﻠﻐﻪ ﺑﻘﻴﺖ ﻃﺎﻟﻘﻪ ﻭﺩﻧﻲ ﻧﺴﻤﻊ ﻟﻘﺎﻝ ﺷﻲ ﻛﻠﻤﺔ ﺑﺎﻹﻧﺠﻠﻴﺰﻳﻪ ﻭﻓﻌﻼ ﺳﻤﻌﺘﻮ ﻗﺎﻝ ﺩﻛﺘﻮﺭ ﻋﺮﻓﺘﻮ ﻛﻴﻬﻀﺮ ﻣﻊ ﻃﺒﻴﺐ ﻟﻲ ﻏﻴﺪﻳﻨﻲ ﻋﻨﺪﻭ ﺍﻧﺎ ﻣﻌﺼﺐ ﻋﻠﻴﺎ ﻭﻃﺒﻴﺐ ﻛﻴﻀﺤﻚ ﻣﻌﺎﻩ ﺑﻔﻔﻒ ﺑﻨﺎﺩﻡ ﻛﻴﻒ ﺩﺍﻳﺮ ﺗﻜﻴﺖ ﻋﻠﻰ ﺍﻟﻜﺮﺳﻲ ﻭﺑﻘﻴﺖ ﻛﻨﺘﺄﻣﻞ ﻓﻲ ﻫﺎﺩ ﺍﻟﻤﻜﺎﻥ ﻟﻲ ﺣﻨﺎ ﻓﻴﻪ ﺑﺸﺎﺍﺍﺍﺥ ﻓﻴﻦ ﻛﻨﺖ ﺍﻧﺎ ﻓﻴﻴﻴﻴﻴﻦ ﻫﺎﺩﻱ ﺭﺍﻫﺎ ﺍﺭﺽ ﺍﻻﺣﻼﻡ ﻣﺘﺸﻮﻗﺔ ﺑﺰﺍﺍﻑ ﻧﻌﺮﻑ ﺍﺷﻤﻦ ﺩﻭﻟﺔ ﻓﻴﻬﺎ ﺃﻧﺎ ﻭﺍﻭ ﻭﺍﻭ ﻭﺍﻭ ﺍﻟﻄﺒﻴﻌﻪ ﺍﻟﺨﻼﺍﺍﺑﺔ ﻳﺎﺍﺍ ﺳﺒﺤﺎﻥ ﺍﻟﻠﻪ ﺷﻮﻑ ﻏﻲ ﺍﻻﺭﺽ ﻭﻛﻴﻒ ﺩﺍﻳﺮﺓ ﻓﻤﺎ ﺑﺎﻟﻚ ﺑﺎﻟﺠﻨﺔ ﺍﻟﻠﻪ ﻳﺮﺯﻗﻨﺎ ﺍﻟﺠﻨﺔ ﺑﻐﻴﺮ ﺣﺴﺎﺏ ﻭﻻ ﺳﺎﺑﻖ ﻋﺬﺍﺏ ‏(ﻗﻮﻟﻮ ﺍﻣﻴﻦ) ﺍﻟﻠﻪ ﻳﺎﺭﺑﻲ ﻣﻌﺮﻓﺖ ﺍﺷﻨﻮ ﻭﺍﻗﻊ ﻟﻴﺎ ﺩﺍﺑﺎ ﻓﻲ ﺍﻟﻮﻗﺖ ﻟﻲ ﻣﻜﻨﺘﺶ ﺑﺎﻏﺎ ﻧﺪﻳﺮ ﺍﻟﺤﺠﺎﺏ ﺩﺍﺭﻭ ﻟﻴﺎ ﻫﺬﺍﻙ ﻳﻮﺳﻒ ﺑﺰﺯ ﻣﻨﻲ ﻭﺩﺍﺑﺎ ﻓﺎﺵ ﺑﺎﺍﺍﻏﺎ ﻧﻠﺒﺲ ﺣﺠﺎﺑﻲ ﺷﻮﻓﻮ ﺍﺵ ﻻﺑﺴﺔ ﻛﻠﻲ ﻣﻌﺮﻳﺔ ﺟﺎﻟﺴﺔ ﻭﺣﺸﻤﺎﻧﺔ ﻣﻦ ﺭﺍﺳﻲ ﻛﻴﻔﺎﺵ ﻏﻨﺪﻳﺮ ﻧﻬﺒﻂ ﻗﺪﺍﻡ ﻧﺎﺱ ﺑﻬﺎﺩ ﺍﻟﻠﺒﺲ ﺭﺍﻩ ﺍﻛﻴﺪ ﻫﻮﻣﺎ ﻋﻨﺪﻫﻢ ﻫﺪﺷﻲ ﻋﺎﺩﻱ ﻫﻨﺎ ﻣﻲ ﻭﺍﺧﺎ ﺍﻧﺎ ﻛﻨﺖ ﻛﻨﻠﺒﺲ ﺍﻟﺤﺠﺎﺏ ﺍﻟﺸﺮﻋﻲ ﻳﺎﺭﺑﻲ ﺍﺵ ﻫﺎﺩ ﺍﻻﺧﺘﺒﺎﺭ !!
ﻭﺑﺰ ﻣﻨﻲ ﻧﺨﺮﺝ ﻫﻜﺎ ﻟﺒﻐﻴﺖ ﻧﻌﺮﻑ ﺣﻘﻴﻘﺔ ﺗﻮﺍﺟﺪﻱ ﻫﻨﺎ ﻫﺎﺩﺷﻲ ﻟﻲ ﻛﺎﻳﻮﻗﻊ ﻣﻌﺎﻳﺎ ﺣﺘﺎ ﻓﻲ ﺍﻟﺨﻴﺎﻝ ﻭﻣﻴﻜﻮﻧﺶ ﻓﻤﺎ ﺑﺎﻟﻚ ﺑﺎﻟﻮﺍﻗﻊ ﻳﺎﺭﺑﻲ ﻧﻜﻮﻥ ﻏﻴﺮ ﻛﻨﺤﻠﻢ ‏(ﺑﺪﻳﺖ ﻛﻨﺒﻜﻲ ﺑﺼﻤﺖ ‏) ﺗﻮﺣﺸﺖ ﺑﺎﺑﺎ ﻭ ﻣﺎﻣﺎ ﻭﺗﻮﺣﺸﺖ ﺧﻮﺗﻲ ﺗﻮﺣﺸﺖ ﺑﻴﺘﻲ ﻭﻧﻤﻮﺳﻴﺘﻲ ﻭﺗﻠﻔﺎﺯﺗﻲ ﺗﻮﺣﺸﺖ ﺻﺤﺎﺑﺎﺗﻲ ﺗﻮﺣﺸﺖ ﺩﺍﻙ ﺍﻟﺤﻲ ﺍﻟﺸﻌﺒﻲ ﺍﻟﻠﻬﻢ ﻫﻮ ﻭﻻ ﻫﺎﺩ ﺍﻻﺣﺴﺎﺱ ﺑﺎﻟﻐﺮﺑﺔ ﻭﻫﺎﺩﻱ ﻳﻼﻩ ﺍﻟﺒﺪﺍﻳﺔ ﻭﻣﺰﺍﻝ ﻣﺰﺍﺍﺍﺍﺍﻝ ﻧﺎﺭﻱ ﻭﺻﻠﻨﺎ ﻫﺎﻫﻮ ﺍﻟﻤﺴﺘﺸﻔﻰ ﺑﺸﺎﺍﺍﺍﺥ ﻭﺍﺵ ﻫﺎﺩﺍ ﻛﻠﻮ ﻣﺴﺘﺸﻔﻰ ﻫﺪﺍ ﺭﺍﻩ ﻣﻮﺭﻭﻛﻮ ﻣﻮﻝ ﻫﻬﻪ ﻫﺎﺩ ﻧﺎﺱ ﻓﺎﻳﺘﻴﻨﺎ ﺑﺰﺍﺍﺍﻑ ﻭﺍﻟﻠﻪ ..
ﺍﻟﺸﺨﺺ : ﻳﻼﻩ ﻫﺎﺣﻨﺎ ﻭﺻﻠﻨﺎ ...
ﺍﻧﺎ : ‏(ﻣﻲ ﺩﺍﺑﺎ ﺍﻟﻤﺸﻜﻞ ﻛﻴﻒ ﻏﻨﺪﻳﺮ ﻧﻬﺒﻂ ﻭ ﺃﻧﺎ ﻻﺑﺴﺔ ﻫﺎﺩ ﺍﻟﻤﺴﺦ ﺍﻟﺸﻮﻫﺔ ﻛﻠﻲ ﻋﺮﻳﺎﻧﺔ ﻳﺎﺭﺑﻲ ﻋﺎﻭﻧﻲ ﻏﻨﺠﺮﺏ ﻭﻧﻬﻀﺮ ﻣﻊ ﻫﺎﺩ ﻟﻤﻌﻘﺪ ﻋﻞ ﻭ ﻋﺴﻰ ﻳﺒﻐﻲ ﻭﻳﺘﻔﻬﻤﻨﻲ‏) : ﺷﻮﻑ ﺭﺍﻩ ﻣﻨﻘﺪﺭﺵ ﻧﻬﺒﻂ ﻫﻜﺎ ﺑﻬﺎﺩ ﺍﻟﻠﺒﺲ ﻭﺍﺵ ﺗﻘﺪﺭ ﺗﺠﻴﺐ ﻟﻴﺎ شي ﺣﻮﺍﻳﺞ ﻃﻮﺍﻝ ﻋﻔﺎﻙ؟؟ ﺃﻧﺎﺍﺍﺭﻱ ﻫﺪﺍ ﻣﺎﻟﻮ ﻏﻮﺑﺶ ﻭ ﺧﺮﺝ ﻓﻴﺎ ﻋﻴﻨﻴﻪ...

ﺃﻧﺎﺍﺍﺭﻱ ﻫﺪﺍ ﻣﺎﻟﻮ ﺧﺮﺝ ﻓﻴﺎ ﻋﻴﻨﻴﻪ
ﺍﻟﺸﺨﺺ : ﻭﻫﻮ ﻛﻴﻐﻮﺕ ﺷﻮﻓﻲ ﺍﻧﺎ ﻣﻌﻨﺪﻳﻴﻴﻴﺶ ﻟﻮﻗﺖ ﺑﺎﺵ ﻧﺒﻘﺎ ﻧﺪﻳﻬﺎ ﻓﻬﺎﺩ ﺍﻟﺘﻔﺎﻫﺎﺕ ﻏﺘﻨﺰﻟﻲ ﻣﻌﺎﻳﺎ ﺩﺑﺎﺍﺍﺍ ﺑﻬﺎﺩ ﺍﻟﻠﺒﺲ ﺑﺎﺵ ﺗﻌﺮﻓﻲ ﺍﺵ ﻭﺍﻗﻊ ﻭﻣﺘﺰﻳﺪﻳﻴﺶ ﺗﻌﺼﺒﻴﻨﻲ .. ﺍﻭﻭﻭﻑ ﻫﺒﻂ ﻭﺧﺒﻂ ﻟﺒﺎﺏ ﻭﻛﻴﺘﺴﻨﺎﻧﻲ ﻗﺪﺍﻡ ﺑﺎﺏ ﺍﻟﻤﺴﺘﺸﻔﻰ ﺷﻔﺖ ﻓﻲ ﺍﻟﺴﻤﺎﺀ ﻭﻗﻠﺖ ﺑﺼﻮﺕ ﻣﺴﻤﻮﻉ : ﻳﺎﺍﺭﺑﻲ ﺭﺍﻙ ﻓﻮﻕ ﻣﻨﻲ ﻭﻋﺎﺭﻑ ﺑﻠﻲ ﻣﺎﺷﻲ ﻟﺨﺎﻃﺮي ﺭﺍﻩ ﺑﻐﻴﺖ ﻧﻠﻘﺎ ﺣﻞ ﻟﻬﺎﺩ ﺍﻟﻮﺭﻃﺔ ﻟﻲ ﺍﻧﺎ ﻓﻴﻬﺎ ﺧﺎﺻﻨﻲ ﻧﻬﺒﻂ ﻣﺴﺤﺖ ﺩﻣﻮﻋﻲ ﻭﻗﺮﺭﺕ ﻧﺨﺮﺝ ﺍﻩ ﻧﺨﺮﺝ ﻫﻜﺎ ﺣﻴﺖ ﺑﺰ ﻣﻨﻲ ﻭﻣﻌﻨﺪﻱ ﻓﻴﻦ ﻧﻤﺸﻲ .. ﺧﺮﺟﺖ ﻭﺭﺿﺨﺖ ﻟﺒﺎﺏ ﻋﻠﻰ ﺟﻬﺪﻭ ﺿﻮﺭﺕ ﻋﻴﻨﻲ ﻋﻠﻰ ﺟﻨﺎﺑﻲ ﻭﻳﻴﻴﻠﻲ ﻣﺎﻣﺼﺪﻗﺎﺵ ﻏﻨﺨﺮﺝ ﺑﺤﺎﻝ ﻫﻜﺎ ﻣﻬﻢ ﺑﻠﻌﺖ ﺭﻳﻘﻲ ﻭﻣﺸﻴﺖ ﻫﻮ ﻏﺎﺩﻱ ﻗﺪﺍﻣﻲ ﻭﺍﻧﺎ ﺗﺎﺑﻌﺎﻩ ﺑﺤﺎﻝ ﺷﻲ ﺑﻨﺖ ﺻﻐﻴﺮﺓ ﻣﻮﺿﺮﺓ ﻣﺸﻴﻨﺎ ﻃﻠﻌﻨﺎ ﻓﺎﻟﻤﺼﻌﺪ ﺷﻔﺖ ﺭﺍﺳﻲ ﻓﻠﻤﺮﺍﻳﺔ ﺯﻋﻤﺎ ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ﺷﻮﻭﻫﺔ ﺻﺎﻓﻲ ﻏﻤﻀﺖ ﻋﻴﻨﻲ ﺑﺎﺵ ﻣﻨﺰﻳﺪﺵ ﻧﺸﻮﻑ ﻫﺎﺩ ﺍﻟﻤﻨﻜﺮ ﺍﻛﺘﺮ ﺗﺤﻞ ﺍﻟﻤﺼﻌﺪ ﻭﻣﺸﻴﺖ ﺍﻧﺎ ﻭﻳﺎﻩ ﺩﺧﻠﻨﺎ ﻟﻮﺍﺣﺪ ﺍﻟﻤﻜﺘﺐ ﻟﻘﻴﻨﺎ ﻭﺍﺣﺪ ﺭﺍﺟﻞ ﺷﻴﺒﺎﻧﻲ ﺫﻭ ﻣﻼﻣﺢ ﺍﻭﺭﻭﺑﻴﺔ ﻛﺒﻴﺮ ﻓﻲ ﺍﻟﺴﻦ ﺳﻠﻢ ﻋﻠﻰ ﻫﺪﺍﻙ ﺍﻟﺸﺨﺺ ﻟﻲ ﻣﻌﺎﻳﺎ ﻭﺳﻠﻢ ﻋﻠﻴﺎ ﺣﺘﻰ ﺍﻧﺎ ﻭ ﻗﺎﻟﻨﺎ ﺗﻔﻀﻠﻮ ﺟﻠﺴﻮ ﻭﻫﻮ ﻛﻴﻀﺤﺎﻙ ﻭﻛﻴﻬﻀﺮ ﺑﺎﻹﻧﺠﻠﻴﺰﻳﺔ ﻗﺎﻟﻴﺎ : ﻛﻴﺪﻳﺮﺓ ﻟﺒﺎﺱ ﻋﻠﻴﻚ .. ﻣﺎﻟﻚ ﻛﺘﺒﺎﻧﻲ ﺑﺤﺎﻻ ﺧﺎﻳﻔﺔ .. ﺍﻧﺎ ﺍﻛﺘﻔﻴﺖ ﺑﺎﻻﺑﺘﺴﺎﻣﺔ ﻓﻲ ﻭﺟﻬﻪ ﺍﻟﺒﺸﻮﺵ
ﻗﺎﻟﻴﺎ : ﻣﺎﻋﻨﺪﻙ ﻣﻨﺎﺍﺵ ﺗﺨﺎﻓﻲ ﺍﻧﺎ ﻏﻨﺸﺮﺡ ﻟﻴﻚ ﻛﻠﺸﻲ ﺣﻴﺖ ﺍﻧﺎ ﻛﻨﺖ ﻫﻮ ﺍﻟﻄﺒﻴﺐ ﺩﻳﺎﻟﻚ ﻋﻠﻰ ﻣﺪﻯ 3 ﺳﻨﻮﺍﺕ ﺍﻧﺎ ﺣﻠﻴﺖ ﻓﻤﻲ ﻫﺎﺍﺍﺍﺍ ﻛﻴﻔﺎﺍﺍﺍﺵ 3 ﺳﻨﻮﺍﺍﺍﺕ؟
ﻗﺎﻟﻴﺎ : ﻧﻌﻢ 3 ﺳﻨﻮﺍﺕ ﻭﻏﻨﺸﺮﺡ ﻟﻚ ﻛﻠﺸﻲ .. ﺍﻟﻤﻬﻢ ﻗﺒﻞ 3 ﺳﻨﻮﺍﺕ ﻓﺎﺵ ﺟﺎﺑﻚ ﻋﻨﺪﻱ " ﺭﻳﻜﺎﺭﺩﻭ " ‏( ﺇﺳﻢ ﺩﺍﻙ ﺍﻟﺸﺨﺺ ‏) ﺟﺎﺑﻚ ﻭﻧﺘﻲ ﻓﺎﻗﺪﻩ ﻟﻠﺬﺍﻛﺮﺓ ﻣﺎﻛﻨﺘﻲ ﻛﺘﻌﺮﻓﻲ ﻋﻠﻰ ﺭﺍﺳﻚ ﻭﺍﺍﺍﻟﻮ ﻛﺘﻌﺮﻓﻴﻪ ﻏﻴﺮ ﻫﻮ ﻓﻘﻂ ﻭﻛﻨﺘﻲ ﻏﻴﺮ ﻻﺳﻘﻪ ﻓﻴﻪ ﻓﻴﻨﻤﺎ ﺗﺤﺮﻙ ﻛﺘﺤﺮﻛﻲ ﻣﻌﺎﻩ ﺣﺘﺎ ﻓﺎﺵ ﻛﻨﺒﻐﻴﻮ ﻧﺪﻳﺮﻭ ﻟﻴﻚ ﺍﻷﺷﻌﺔ ﻟﺮﺍﺳﻚ ﻛﺎﻥ ﻛﻴﺪﺧﻞ ﻭﻛﻴﺒﻘﺎ ﻭﺍﻗﻒ ﻭﺷﺎﺩ ﻟﻴﻚ ﻑ ﺍﻳﺪﻳﻚ ﻋﺎﺩ ﻛﺘﺨﻠﻴﻨﺎ ﻧﺪﻳﺮﻭ ﺧﺪﻣﺘﻨﺎ ﺑﺘﺴﻢ ﻭﻗﺎﻝ ﻛﻨﺘﻲ ﻣﻌﺪﺑﺎﻧﺎ ﻟﻜﻦ ﺳﺮﻋﺎﻥ ﻣﺎ ﻭﻟﻔﺘﻴﻨﺎ ﻭﻟﻴﺘﻲ ﺗﻘﺪﺭﻱ ﺗﻴﻘﻲ ﻓﻴﻨﺎ
ﺷﻔﺖ ﻓﺪﺍﻙ ﺭﻳﻜﺎﺭﺩﻭ ﺑﺎﻥ ﻟﻴﺎ ﻋﻴﻨﻴﻪ ﻓﻴﻬﻢ ﺩﻣﻮﻉ ﻭﻓﻴﻬﻢ ﻭﺍﺣﺪ ﺍﻟﺨﻮﻑ ﺭﻫﻴﻴﻴﺐ ﺑﺤﺎﻻ ﺣﺒﻞ ﻟﻤﺸﻨﻘﻪ ﻣﺤﻄﻮﻁ ﻋﻠﻰ ﻋﻨﻘﻮ .. ﺍﺧﻴﺮﺍ ﺯﻋﻤﺖ ﻋﻠﻰ ﻃﺒﻴﺐ ﻭﺗﻜﻠﻤﺖ ﺣﻴﺖ ﺭﺗﺎﺣﻴﺖ ﻟﻴﻪ ﻧﻮﻋﺎ ﻣﺎ
ﺍﻧﺎ : ﺑﻐﻴﺖ ﻧﻌﺮﻑ ﻛﻴﻔﺎﺵ ﻓﻘﺪﺕ ﺍﻟﺬﺍﻛﺮﺓ ﻭﺍﺷﻤﻦ ﺑﻼﺩ ﻓﻴﻬﺎ ﺍﻧﺎ ﻭﻓﻴﻦ ﻭﺍﻟﻴﺪﻳﺎ ﻭﺍﻫﻢ ﺣﺎﺟﻪ ﺷﻜﻮﻥ ﻫﺎﺩ ﺭﻳﻜﺎﺭﺩﻭ !!
ﺿﺤﻚ ﺿﺤﻜﺔ ﻃﻮﻳﻴﻠﺔ ﻗﺎﻟﻴﺎ ﻏﻨﺠﺎﻭﺑﻚ ﻋﻠﻰ ﻛﻠﺸﻲ ﻣﻦ ﺍﻻﻭﻝ ﺣﺘﻰ ﺍﻟﻠﺨﺮ ﻗﺎﻟﻴﺎ : ﻣﻲ ﺭﻳﻜﺎﺭﺩﻭ ﻋﻨﺪﻭ ﺍﻟﺠﺰﺀ ﺍﻟﻤﻬﻢ ﻓﻘﺼﺘﻚ ﻫﻮ ﻟﻲ ﺟﺎﺑﻚ ﻣﻦ ﺑﻼﺩﻙ ﻟﻬﻨﺎ ﻭﺍﻧﺘﻲ ﻓﺎﻗﺪﻩ ﻟﻠﺬﺍﻛﺮﺓ .. ﺣﺮﻛﺖ ﺭﺍﺳﻲ ﻓﺎﺗﺠﺎﻩ ﺍﻟﺪﻛﺘﻮﺭ ﺑﻤﻌﻨﻰ ﺗﻜﻠﻢ ﺍﻧﻄﻖ ﺩﻏﻴﺎ ...
ﻗﺎﻟﻴﺎ : ﺍﻭﻻ ﺍﻧﺘﻲ ﻓﻲ ...

ﻗﺎﻟﻴﺎ : ﺍﻭﻻ ﺍﻧﺘﻲ ﻓﻲ ﺳﻮﻳﺴﺮﺍ ‏(ﺍﻟﻠﻪ ﺃﻛﺒﺮ ﻫﻬﻬﻬﻪ ﺩﻧﻴﺎ ﻋﺠﻴﺒﺔ ﺍﻟﺒﻠﺪ ﻟﻲ ﻛﻨﺖ ﻛﻨﺤﻠﻢ ﻧﺸﻮﻓﻮ ﻭﻛﺎﻧﺖ ﻛﺘﺼﻴﺒﻨﻲ ﺍﻟﻘﺸﻌﺮﻳﺮﺓ ﺑﻤﺠﺮﺩ ﺫﻛﺮ ﺍﺳﻢ ﻫﺎﺩ ﺍﻟﺒﻠﺪ ﺍﻣﺎﻣﻲ ﺑﺴﺒﺐ ﺟﻤﺎﻝ ﻃﺒﻴﻌﺘﻮ ﻭﺗﺤﻀﺮﻭ ﻭﺛﺮﻭﺗﻮ ﺍﻧﺎ ﺟﻴﺖ ﻟﻴﻪ ﻭﺍﻧﺎ ﻓﺎﻗﺪﻩ ﺍﻟﺬﺍﻛﺮﺓ ﻭﻋﺎﻳﺸﺔ ﻓﻴﻪ ﮔﺎﻉ ﻭﺍﻭ)
ﻭﺯﺍﺩ ﻗﺎﻟﻴﺎ : ﺃﻣﺎ ﺑﺎﻟﻨﺴﺒﺔ ﻝ ﺭﻳﻜﺎﺭﺩﻭ ﻫﻮ ﺯﻭﺟﻚ
ﺃﻧﺎ : ﻧﻦ ﺣﺘﻰ ﻟﻬﺎﺩﻱ ﻧﻦ ‏(ﺣﻠﻴﺖ ﻓﻤﻲ ﻣﻦ ﺍﻟﺪﻫﺸﺔ ﺍﺷﻨﻮﻭﻭﻭ ﺍﻧﺎ ﻣﺰﻭجة؟)
ﺷﺪﻳﺖ ﻓﺮﺍﺳﻲ ﺟﺎﺗﻨﻲ ﺍﻟﺪﻭﺧﺔ ... ﻣﺎﻳﻤﻜﻨﺶ ﺍﻧﺎ ﻣﺰﻭﺟﻪ ﻭﺑﺎﻳﻨﺔ ﻓﻴﻪ ﻛﺎﻓﺮ ﻳﺎﺭﺑﻲ ﺍﻭﻳﻠﻲ ﺩﺭﺕ ﻧﺸﻮﻑ ﻓﻴﻪ ﻟﻘﻴﺘﻮ ﺩﺍﻳﺮ ﻳﺪﻳﻪ ﻋﻠﻰ ﺭﺍﺳﻮ ﻭﺣﺎﺩﺭﻭﻭ ﺑﻘﻴﺖ ﺷﺤﺎﺍﺍﻝ ﻭﺍﻧﺎ ﻛﻨﻄﻠﻊ ﻭﻧﻬﺒﻂ ﻓﻴﻪ
‏(ﺍﻟﻤﻬﻢ ﻧﻌﺮﻓﻜﻢ ﻋﻠﻰ ﺍﻟﺒﻄﻞ ﺩﻳﺎﻟﻨﺎ ﺭﻳﻜﺎﺭﺩﻭ 32 ﺳﻨﺔ ﻋﻨﺪﻭ ﻣﺠﻤﻮﻋﺔ ﺷﺮﻛﺎﺕ ﺩﻳﺎﻝ ﺍﻻﻟﻌﺎﺏ ﺍﻻﻟﻜﺘﺮﻭﻧﻴﺔ ﻭﺷﺮﻛﺘﻮ ﻛﺘﻀﻢ ﺍﺟﻮﺩ ﻣﺨﺘﺮﻋﻲ ﺍﻻﻟﻌﺎﺏ ﻃﻮﻳﻞ ﻓﻴﻪ ﻣﻴﺘﺮﻭ ﻭ 96 ﻳﻌﺸﻖ ﺍﻟﺴﺒﺎﺣﺔ ﻭ ﻛﺎﻳﺸﺎﺭﻙ ﻓﻲ ﺍﻟﺒﻄﻮﻻﺕ ﺍﻟﺪﻭﻟﻴﺔ ﻟﻠﺴﺒﺎﺣﺔ ﺷﻌﺮﻭ ﻓﻲ ﺍﻟﺒﻨﻲ ﻏﺎﻣﻖ ﺣﻮﺍﺟﺒﻮ ﻛﺪﻟﻚ ﻓﻲ ﺍﻟﺒﻨﻲ ﻭ ﻋﻴﻨﻴﻪ ﺑﻴﻦ ﺍﻻﺧﻀﺮ ﻭ ﺍﻻﺯﺭﻕ ﻟﺤﻴﺘﻮ ﻣﻄﺮﺍﺳﻴﺔ ﻓﻲ ﺍﻟﺒﻨﻲ ﺍﻟﻐﺎﻣﻖ ﻭﺑﺸﺮﺗﻮ ﺑﻴﻀﺎﺍﺍ ﺻﺎﻓﻴﺔ ﻋﻀﻼﺗﻮ ﺑﺎﺭﺯﻳﻦ ﻭ ﻓﻮﺭﻣﺘﻮ ﻗﻮﻳﺔ ﻋﻨﺪﻭ ﺟﺴﻢ ﺭﻳﺎﺿﻲ ﻗﻮﻱ ﻭ ﻫﻮ ﺍﻟﻮﺣﻴﺪ ﻟﻲ ﻋﻨﺪ ﻭﺍﻟﻴﺪﻳﻪ
ﺍﻻﺏ ﺩﻳﺎﻟﻮ ﺭﺟﻞ ﺍﻋﻤﺎﻝ ﻛﺒﻴﺮ ﻓﺴﻮﻳﺴﺮﺍ ﻭ ﺍﻻﻡ ﺩﻳﺎﻟﻮ ﻓﺎﻋﻠﺔ ﺟﻤﻌﻮﻳﺔ ﻭﺩﺑﺎ ﻛﻴﻜﺘﻔﻴﻮ ﻏﻴﺮ ﺑﺎﺵ ﻳﺘﺴﺎﺭﺍﻭ ﺍﻟﻌﺎﻟﻢ ﻛﺎﻣﻞ‏)
ﺗﻠﻔﺖ ﻟﻠﺪﻛﺘﻮﺭ ﻗﻠﺖ ﻟﻴﻪ ﻛﻤﻞ ﻗﺎﻝ : ﻛﻨﺘﻲ ﺩﺭﺗﻲ ﺣﺎﺩﺛﺔ ﺳﻴﺮ ﻓﻲ ﺍﻟﻤﻐﺮﺏ ﺧﺎﻳﺒﺔ ﺑﺰﺍﺍﻑ ﻛﺎﻥ ﻭﻗﻊ ﺗﻠﻒ ﻓﻲ ﺩﻣﺎﻏﻚ ﻛﺎﻥ ﻏﻴﺴﻜﺖ ﺣﻴﺖ ﻣﺘﺤﻤﻠﺶ ﺍﻟﻀﺮﺑﺔ ﺣﻴﺖ ﻃﺤﺘﻲ ﻋﻠﻰ ﺭﺍﺳﻚ ﺑﻘﻮﺓ ﻫﺎﺍﺋﻠﺔ ﻭﻣﻦ ﺣﺴﻦ ﺣﻈﻚ ﻛﺎﻥ ﺭﻳﻜﺎﺭﺩﻭ ﻣﺘﻮﺍﺟﺪ ﺑﻌﻴﻦ ﺍﻟﻤﻜﺎﻥ ﻭﻫﻮ ﺣﻀﺮ ﻟﻠﺤﺎﺩﺛﺔ ﻭﻫﻨﺎ ﻧﺨﻠﻴﻪ ﻫﻮ ﻳﻜﻤﻞ ﻟﻴﻚ
ﺍﻧﺎ : ﻣﺼﺪﻭﻣﺔ ﻭ ﺍﻟﺼﺪﻣﺔ ﻛﺎﺍﺍﺍﻧﺖ ﻗﻮﻳﺔ ﺩﺭﺕ ﻋﻨﺪ ﺭﻳﻜﺎﺭﺩﻭ ﻟﻘﻴﺘﻮ ﺑﺎﻗﻲ ﺣﺎﻧﻲ ﺭﺍﺳﻮ ﻗﻠﺘﻠﻴﻪ : ﻛﻤﻞ ﻟﻴﺎ ﻫﺰ ﺭﺍﺳﻮ ﻭﺩﻣﻮﻉ ﻛﻴﻬﺒﻄﻮﻭﻭ ﺑﻐﺰﺍﺭﺓ ‏(أﻭﻳﻠﻲ ﺑﻜﻴﺖ ﺍﻟﺮﺍﺟﻞ)
ﺭﻳﻜﺎﺭﺩﻭ : ﻛﻨﺖ ﻫﺪﺍﻙ ﺍﻟﺼﻴﻒ ﻣﻌﺮﻭﺽ ﻟﻠﻤﻐﺮﺏ ﻣﻦ ﻃﺮﻑ ﻭﺍﺣﺪ ﺍﻟﺼﺪﻳﻖ ﻣﻐﺮﺑﻲ ﻋﺎﻳﺶ ﻫﻨﺎ ﻓﻲ ﺳﻮﻳﺴﺮﺍ ﻛﺎﻧﺖ ﺍﻭﻝ ﻭﺟﻬﺔ ﺩﻳﺎﻟﻨﺎ ﻫﻲ ﺃﻛﺎﺩﻳﺮ ﺩﻭﺯﻧﺎ ﻓﻴﻬﺎ ﺍﺳﺒﻮﻉ ﻭﻓﻲ ﺍﻟﻴﻮﻡ ﺍﻷﺧﻴﺮ ﻟﻴﺎ ﺗﻤﺎ ﻛﻨﺖ ﻏﺎﺩﻱ ﻳﻼﻩ ﺧﺎﺭﺝ ﻣﻦ ﺍﻟﻤﻨﺰﻝ ﻧﺘﻤﺸﻰ ﺑﻨﺘﻲ ﻟﻴﺎ ﺟﺎﻳﺔ ﻭﺣﺎﻧﻴﺔ ﺭﺍﺳﻚ ﻛﻨﺘﻲ ﻏﺎﺩﺓ ﺗﻘﻄﻌﻲ ﺍﻟﺸﺎﺭﻉ ﻭﻛﺎﻧﺖ ﻭﺭﺍﻙ ﻭﺍﺣﺪ ﺳﻴﺎﺭﺓ ﺟﺎﻳﺔ ﺑﺴﺮﻋﻪ ﻫﺎﺍﺍﺍﺋﻠﺔ ﻏﻮﻭﻭﻭﺕ ﺑﺤﺮﺭﺭ ﺟﻬﺪﻱ ﻋﻨﺪﺍﺍﺍﺍﺍﻙ ﻭﺗﻤﻴﺖ ﻏﺎﺩﻱ ﻛﻨﺠﺮﻱ ﺑﺎﺵ ﻧﻌﺘﻘﻚ ﻟﻜﻦ ﺿﺮﺑﺎﺗﻚ ﺍﻟﺴﻴﺎﺭﺓ ﺍﻣﺎﻡ ﻋﻴﻨﻲ ﺍﻟﺴﻴﺎﺭﺓ ﻛﻤﻼﺕ ﻃﺮﻳﻘﻬﺎ ﻣﺴﺮﻋﻪ ﻣﺸﻴﺖ ﻋﻨﺪﻙ ﻛﻨﺠﺮﻱ ﻏﺎﺩﻱ ﻭﻛﻨﺘﺼﻞ ﺑﺼﺪﻳﻘﻲ ﻗﻠﺖ ﻟﻴﻪ ﺍﺗﺼﻞ ﺑﺎﻻﺳﻌﺎﻑ ﺩﺍﺍﺑﺎ ﻛﻴﻨﺔ ﺣﺎﺩﺛﺔ ﺍﻣﺎﻡ ﺍﻟﻤﻨﺰﻝ ﻣﺸﻴﺖ ﻋﻨﺪﻙ ﺣﺎﻭﻟﺖ ﻧﺪﻳﺮ ﻟﻴﻚ ﺍﻻﺳﻌﺎﻓﺎﺕ ﺍﻻﻭﻟﻴﺔ ﻟﻜﻦ ﺍﺵ ﻏﻨﺪﻳﻴﺮ ﻛﻨﺘﻲ ﻣﺤﻄﻤﺔ ﻭﺍﻟﺪﻡ ﻛﻴﻨﺰﻝ ﻣﻦ ﺭﺍﺳﻚ ﺑﻐﺰﺍﺍﺍﺭﺓ ﻛﻨﺘﻲ ﺷﺒﻪ ﻣﻴﺘﺔ ﻭﻣﺮﺍﺕ ﻗﻠﻴﻠﺔ ﻛﺘﻨﻄﻘﻲ ﺑﺼﻮﺕ ﺧﺎﻓﺖ ﻣﺎﻣﺎﺍﺍ ﻣﺎﻣﺎﺍﺍ ﺟﺎ ﺻﺪﻳﻘﻲ ﻣﺴﺮﻉ ﺑﺎﻟﺴﻴﺎﺭﺓ ﻗﺎﻟﻴﺎ ﺍﻻﺳﻌﺎﻑ ﻛﻴﺘﻌﻄﻞ ﻫﻨﺎ ﻣﻜﻴﺠﻴﺶ ﺩﻏﻴﺎ....

يتبع​

 
عودة
أعلى أسفل